Menstruación
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A menstruación[1], a regla[2][3] u o costumbre[1][4][nota 1] ye un fenomeno fisiolochico d'as mullers que se presenta en as mullers sanas dende a pubertat dica a menopausia. Consiste en a expulsión d'os ovulos no fertilizatos, en forma de fluxo hematico, creyando perduas de sangre, a la fin de cada ciclo menstrual. L'ovulo procede d'a cavidat uterina u utero y sale por a vachina. As perduas de sangre son de chicota cantidat pero continas mientres os días que dura a menstruación, de tres a cinco días, encara que se considera normal d'un periodo de dos días dica siet.[5] Por un regular os primers días o fluxo ye mas abundant, mientres que os zaguers días ye muito menor. A cantidat total de sangre perdita en o ciclo menstrual varía en función d'a persona, pero a meyana ye d'uns sesenta mililitros. A menstruación ye regulata por as hormonas femeninas.
A menstruación sigue un ciclo regular. A sobén o ciclo d'a menstruación dura alto u baixo 28 días, encara que pende de cada muller. O periodo que se considera normal va de 21 a 45 días. O ciclo menstrual d'una muller puet estar regular u no. Regular quiere decir que toz os ciclos constan d'o mesmo numero de días. Con a edat, os ciclos menstruals se van tornando mas regulars.
A menarquía ye a primera vegata que una nina tien a regla, feito que se produce en a pubertat, entre os 10 y os 16 anyos. A edat en que se produce a primera menstruación ye muit variable, veyendo-se afectada mesmo por l'habitat cheografico. Por eixemplo as mullers de zonas de clima templato plegan antis a la maduración sexual. Entre os 45 y os 55 anyos (meyana 51.4 anys[6]), as mullers deixan de producir ovulos, y por tanto d'expulsar-ne os residuos asociatos, ye a menopausia.
Notas
[editar | modificar o codigo]- ↑ Tamién en femenín a costumbre.
Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an) Chusé Lera Alsina Aplego. Diccionario de Resistencia y Gramática sobre lo cheso. Massanas gràfiques. 2004. p 529
- ↑ (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 312
- ↑ (es) Romanos, Fernando: Al límite, la pervivencia del aragonés en las comarcas del norte de Zaragoza
- ↑ (en) Menstruation (Menstrual Cycle). 25 febrero de 2012. medicinenet.com
- ↑ (es) http://www.aeem.es
Vinclos externos
[editar | modificar o codigo]
Se veigan as imáchens de Commons sobre Menstruación.
| Control d'autoridaz |
|
|---|
Datos: Q12171- Multimedia: Menstruation / Q12171