Matamata

De Biquipedia
Ir a la navegación Ir a la búsqueda
Iste articlo tracta sobre a localidat neozelandesa de Matamata. Pa la tortuga sudamericana con ixe nombre se veiga Chelus fimbriata.
Matamata
Localidat de Nueva Zelanda
Hobbiton mill and double-arched bridge.jpg
Hobbiton
Estato
 • Rechión
 • Districto
Flag of New Zealand.svg Nueva Zelanda
Waikato
Matamata-Piako
Población
 • Total

7.730 hab. (2016)
Altaria 63 m.
Coordenatas
37°49′″S 175°46′″E
Matamata en Nueva Zelanda
Matamata
Matamata
Situación de Matamata en Nueva Zelanda

Matamata (prenunciau en anglés /ˈmætəˌmætə/) ye una localidat d'a rechión de Waikato en a Isla d'o Norte de Nueva Zelanda. Ye situada amán d'a base de Kaimai Ranges y ye una zona conoixida por a crianza y entrenamiento de caballos pura sangre. Fa parti d'o districto de Matamata-Piako, que incluye a suya redolada rural, asinas como as localidatz de Morrinsville y Te Aroha. A carretera estatal numero 27 y a via ferroviaria de Kinleith trescruzan a ciudat. A suya población yera de 7.730 habitants en chunio de 2016.

Una grancha amán de Matamata estió o scenario trigau por Peter Jackson ta representar l'aldeya de Hobbiton en as suyas cintas d'o Sinyor d'os Aniellos. O gubierno de Nueva Zelanda decidió deixar as construccions d'os foraus d'os hobbit como una atracción turistica, ya que fuoron disenyaus ta adaptar-se a u suyo entorno. Mientres o tiempo de duración d'a grabación d'a cintas The Return of the King y The Hobbit: An Unexpected Journey no yeran amueblaus, encara que se podeba entrar y vesitar-los.[1] Un cartel de "Welcome to Hobbiton" (en anglés Bienvenius ta Hobbiton) se puet veyer en a carrera prencipal. En 2011 partis de Hobbiton se preparoron ta estar emplegadas en a grabación d'as cintas correspondients a la primera novela de Tolkien, O Hobbit.

Historia[editar | editar código]

En primerías d'o sieglo XIX, l'aria de l'actual Matamata y a suya redolada feban parti d'o territorio d'os Ngāti Hauā, una tribu maorí. O pa de Matamata yera situau amán d'o puesto a on se troba actualment o lugar de Waharoa, alto u baixo a 6 km a o norte de Matamata.

O primer europeu en vesitar l'aria de Matamata se creye que estió o comerciant Phillip Tapsell arredol de l'anyo 1830.[2] En 1833 o reverendo Alfred Nesbit Brown vesitó a zona y en 1835 establió una misión amán de Matamata Pa, encara que habió de zarrar-la o siguient anyo dimpués de que esclatase a guerra intertribal.[2] En 1865 Josiah Firth negoció con o líder Ngāti Hauā Wiremu Tamihana y logó una gran zona de terreno, incluyindo a futura ubicación d'a localidat a la que dió o nombre d'o pa maorí.[2] Firth construyó un camín ta carros enta Cambridge y dragó o río Waihou ta fer-lo navatiable por os suyos chicotz barcos.[2]

Bells anyos dimpués a interpresa de Firth quebró y en 1904 o territorio fue mercau por a Corona, que lo subdividió en chicotas granchas[3]. Asinas se conviertió en un lugar dependient de districto en 1917, un lugar independient de districto en 1919 y un municipio en 1935.[2] Con a reorganización de Nueva Zelanda en autoridatz territorials en 1989, Matamata se convirtió en parti d'o districto de Matamata-Piako.

Referencias[editar | editar código]

  1. (en) "Matamata Area Guide". http://www.exploring.co.nz/North_Island/Waikato/Matamata/. 
  2. 2,0 2,1 2,2 2,3 2,4 (en) 'MATAMATA', from An Encyclopaedia of New Zealand. Editau por A. H. McLintock, publicau orichinalment en 1966. Te Ara - the Encyclopedia of New Zealand
  3. (en) D. B. Waterson. 'Firth, Josiah Clifton'. Dictionary of New Zealand Biography. Te Ara - the Encyclopedia of New Zealand

Vinclos externos[editar | editar código]