Martin Place

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Martin Place
Ciudat	Sydney
Districto	Districto d'afers central
Prencipia	George Street
Remata	Macquarie Street

Martin Place ye una carrera piatonal situada en o districto d'afers central de Sydney, Nueva Galas d'o Sud, Australia. Martin Place ha estau descrita como o "corazón civico" d'a ciudat de Sydney. Aqui se troba a seu d'o Banco d'a Reserva d'Australia, o Commonwealth Bank of Australia, o Macquarie Bank, Westpac y atras importants interpresas, estando asinas tamién un destacau centro d'afers y de finanzas. L'edificio General Post Office y as oficinas d'informativos d'a canal de televisión Seven Network se troban en Martin Place.

Martin Place s'ha convertiu en un icono popular d'a cultura australiana por atrayer importants produccions cinematograficas y televisivas y actors a ista zona. Martin Place s'estendilla entre George Street y Macquarie Street y da dentrada a la gara de Martin Place, que se troba debaixo d'a carrera. Atras carreras que la trescruzan son Pitt Street, Castlereagh Street, Elizabeth Street y Phillip Street.

A primitiva "Martin Place" yera una sección entre George Street y Pitt Street, oficialment ubierta en 1892 y nombrada asinas en honour de Sir James Martin, tres vegadas Primer ministro de Nueva Galas d'o Sud y Chuez President d'a Cort Suprema de Nueva Galas d'o Sud. Zarrada a o trafico en diferents etapas dende 1971, Martin Place ye rodiada de cuantos edificios declaraus como patrimonio.