Mariano Constante

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Mariano Constante Campo
Información personal
Calendata de naixencia 18 d'abril de 1920
Puesto de naixencia Cabosaso (Monegros, Aragón)
Calendata de muerte 20 de chinero de 2010
Puesto de muerte Montpeller (Lenguadoc-Rosellón, Occitania)
Ocupación Escritor

Mariano Constante Campo (Cabosaso, Monegros, 18 d'abril de 1920[1] - Montpeller, Lenguadoc-Rosellón, 20 de chinero de 2010[2]) estió un escritor aragonés, cuals publicacions han estau inicialment os suyos recuerdos d'a experiencia d'os republicans espanyols en os campos de concentración nazis, mientres a Segunda Guerra Mundial

Mariano Constante combatió en a Guerra Cebil Espanyola (entre atras unidaz militars, en a 130ª Brigada Mixta que feba parte d'a 43ª División) y participó en cuantas batallas mientres a guerra, como a Bolsa de Bielsa en o Pireneu aragonés. Estió afiliau a la Juventud Socialista Unificada, y trescruzó a muga enta o destierro en Francia en febrero de 1939. En o suyo exilio en Francia estió en os campos de concentración franceses de Sèt-fonts, Baccarat y Rambervillers.

En principiar a Segunda Guerra Mundial, fue obligau por os franceses a alistar-se a una Companyía de Triballadors Foranos en l'Exercito francés, partecipando en a construcción d'as fortificacions d'a Linia Maginot y fue engarcholato por os alemans en chunio de 1940, mientres a batalla de Francia, cuan fue feito presonero de guerra por a Wehrmacht a man d'a Linia Maginot. Inicialment, l'internoron en un Stalag XVII en Austria (Stalag XVII-A en Kaisersteinbruch, u Stalag XVII-B en Krems-Gneixendorf, u Stalag XVII-C en Döllersheim u Stalag XVII-D en Pupping).

Sindembargo, en declarar o Gubierno de Francisco Franco que no teneba garra intrés en a situación d'os espanyols presoners d'os alemans, Mariano Constante fue deportau (como muitos atros espanyols) a o Campo de concentración de Mauthausen-Gusen (Austria) o 7 d'abril de 1941, sobrevivió en o campo y fue liberau en mayo de 1945 por as tropas d'os Aliaus. Mientres a suya prisión en o campo fació parte d'una organización clandestina d'os presoners, y as informacions d'ixe grupo fuoron un elemento d'importancia en as acusacions contra os maximos dirichents nazis en os Chudicios de Nurenberg.

Mientres o franquismo, lo condenoron a 6 penas de muerte, y no tornó a trescruzar a muga enta Espanya dica 1963. Viviba en Francia, en estar un antigo combatient de l'Exercito francés mientres a guerra.

En 2002 recibió a Medalla a los Valors Humans d'o Gubierno d'Aragón.

Obras[editar | modificar o codigo]

  • 1974: Los años rojos.
  • 1976: Yo fui ordenanza de los SS.
  • Republicanos aragoneses en los campos nazis.
  • Triangulo Azul. Los republicanos españoles en Mauthausen.

Referencias[editar | modificar o codigo]

  1. (es) Constante Campo, Mariano, en a Gran Enciclopedia Aragonesa On-line.
  2. (es) Ha muerto Mariano Constante, en a pachina web de Radio Huesca.