Mariano Arregui Canela

De Biquipedia
Ir a la navegación Ir a la búsqueda
Mariano Arregui
Información personal
Nombre Mariano Arregui Canela
Embotada {{{Alias}}}
Naixió 3 de setiembre de 1937 , Ricla, Flag of Aragon.svg Aragón
Murió 18 d'agosto de 2010, Tarragona, Flag of Catalonia.svg Catalunya
Información musical
Orichen {{{Orichen}}}
Estilo Hota aragonesa
Ocupancia {{{Ocupanzia}}}
Instrumentos Cantaire
Tiempo
Discograficas
Relacionato con {{{Artistas_relacionatos}}}
Pachina web

Mariano Arregui Canela, naixito o 3 de setiembre de 1937 de Ricla (Aragón) y muerto o 18 d'agosto de 2010[1] en Tarragona (Catalunya), estió un important cantaire de hota aragonesa.

Con nomás 7 anyos gana o suyo primer premio de hota en L'Almunia de Donya Godina, feito que fació que decidise tresladar-se a Zaragoza ta recibir clases de Pascuala Perié. En l'anyo 1948 gana o primer premio de Radio Zaragoza.

Con o cambeyo de voz ye bells anyos sin muita actividat, pero en tornar en l'anyo 1960 gana o primer premio d'o concurso que organiza l'Agrupación Artística Aragonesa en memoria de Pilar Gascón. Quatre anyos dimpués, en 1964, obtiene o 2º premio d'o certamen de hota d'o Concello de Zaragoza, y a l'anyo venient o 1er premio.

En 1969 se proclamará por primera vegata campión d'Aragón de hota en o Teatro Prencipal de Zaragoza. En l'anyo 1975 obtendría o primer premio en un concurso nacional de hota organizato en a villa d'Epila, a mas de ganar por segunda vegata o campionato d'Aragón.

En 1976 torna a ganar atra vegata en Epila y por tercera vegata, en o scenario d'o Teatro Prencipal, o campionato d'Aragón. En 1977 a mas de tornar a ganar en Epila a Deputación Provincial de Zaragoza le concede o prestichioso Premio Santa Isabel.

En 1979 ganará o quatreno campionato d'Aragón y en 1980 queda segundo en o concurso en homenache a Demetrio Galán Bergua, ganando tamién ixe mesmo anyo o 4eno en o concurso de misas aragonesas patrocinato por o Cabildo d'o Pilar de Zaragoza y a Deputación Cheneral d'Aragón. En 1981 en un homenache en o suyo lugar natal, Ricla, se creya una plaza con o suyo nombre.

En octubre de 1984 fa historia, logrando o cinqueno campionato d'Aragón de hota y estando asinas o cantaire que mas vegatas s'ha feito con iste premio.

Muere o día 18 d'agosto de 2010 en o Hespital Chuan XXIII de Tarragona dimpués de sufrir un redame cerebral o día 16 d'agosto, mientres pasaba as vacanzas de verano con a suya familia en Salou.

Referencias[editar | editar código]

Vinclos externos[editar | editar código]