Malgurguet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Malgurguet
Lugar d'Aragón
Os casaches de Malgurguet.
Entidat  • País  • Provincia  • Comarca  • Municipio	Lugar  Aragón  Uesca Sobrarbe Boltanya
Partiu chudicial	Boltanya
Población  • Total	91 hab. (2018)
Altaria  • Meyana	603 m.
Distancia  • 1 km  • 7 km  • 97 km	enta Boltanya enta l'Aínsa enta Uesca
Codigo postal	22340
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°26’ 0’’N 0° 5’ 1’’E
Malgurguet Malgurguet en Aragón

Malgurguet (Margurgued en castellano) ye un lugar aragonés en o municipio de Boltanya, comarca de Sobrarbe y provincia de Uesca.

A suya población ye de 91 habitants (2018).

Cheografía

O lugar de Malgurguet ye situato a 603 metros d'altaria dencima d'o nivel d'a mar, a una distancia de 97 km de Uesca, a capital d'a suya provincia, de 7 km de L'Aínsa y de menos d'1 km de Boltanya, auguas t'abaixo d'esta villa en seguindo l'Ara. O lugar se troba en a ripa d'o río Ara, en una plana aluvial de menor altitut que Boltanya, y se comunica con a villa capital con un puent per dencima d'o río, situato cualques decenas de metros auguas t'alto d'as zagueras casas de Malgurguet.

A planeta en a que se troba Malgurguet s'inunda con as creixidas mas prencipals d'o río, por lo que a's suyos habitants se's ye meso tradicionalment a motada humoristica de venecianos, pos l'augua se les gosa pagar en a puerta d'as casas con relativa frecuencia. A popular canción de La Ronda de Boltanya «O viento rondador» fa referencia a ixe malnombre que en a val de l'Ara se's mete a os habitants de l'aldeya.

Si plebe vino y o río afoga la val,

a yo «veneciano» m'agradaría estar.
Ay! que beatón qu'iba a "volve'-me" en Malgurguet,

to'l día rezando a o santo que fa plever.

L'aldeya de Malgurguet sofrió importants estroces en a Guerra Civil espanyola, y se'n habió de reconstruir bellas casas, por lo que en l'actualidat no presenta o mesmo aspecto que teneba d'antes. D'as que enantes feban parte d'o nuclio, Casa Cambra, d'as zaguerías d'o sieglo XVI, ye la sola que encara se'n conserva en estando tan antiga.

Imáchens

• 
  Malgurguet (primer termino) y Boltanya (dezaga), en a val de l'Ara, enviestos dende Guaso.

Molimentos

• Ilesia parroquial de San Pietro, d'os sieglos XVI-XVII., muit sencilla y de tipo rural.

Vinclos externos

• Se veigan as imáchens de Commons sobre Malgurguet.
• (es) Pachina web de l'Asociación de Vecinos y Amigos de Margudgued.

Referencias

• Datos: Q5857733
• Multimedia: Margurgued / Q5857733