Lorient

Adhibir enlaces
De Biquipedia
(Reendrezau dende Lorient (antroponimo))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre o nombre propio. Pa atros usos se veiga Lorient (desambigación).
Lorient

Sant Lorient, en un cuadro de Francisco de Zurbarán
Variants Lorent, Lorién
Orichen Latino
Chenero Masculín
Santoral 10 d'agosto
Significau Coronau con Laurers
Zona Cristianismo
Articlos en Biquipedia Todas as pachinas que prencipian por Lorient, Lorent u Lorién

Lorient[1], Lorent[1] u Lorenz[1] ye un antroponimo masculín d'orichen latín que significa Coronau con Laurers. Sant Lorient se celebra o 10 d'agosto. Existe tamién a variant ortografica Lorién.

As formas femeninas equivalents son Lorienta[1], Lorenta[1] y Lorenza.[1]

Variants en navarro-aragonés[editar | modificar o codigo]

A forma Lorent se rechistra en l'aragonés medieval d'a val d'Ebro, a forma Lorient se rechistra en a toponimia sobrarbesa. Foneticament o doblet ye comparable a Vicent-Vicient, y de feito Sant Vicient d'a Buerda y cerca de Sant Lorient.

En romanz navarro se troba Lorenz, variant que podría tener influencia occitana y que tamién trobamos en textos escritos en aragonés referents cuan traducen toponimos catalans como o Castiello de Lorenz en a "Cronica de Sant Chuan d'a Penya" u escritos en aragonés dende Catalunya, como os de l'Archivo d'a Corona d'Aragón:

Et la ora era conte de Urgel Guerau de Crabera et pervinole el dito condado por successión del tio suyo Narmengou, qui murió sin fillos. Aquesti conte huvo muytas guerras con el dito rey et fizole muytas injurias por las quales el dito rey, con grandes huestes, sitió la ciudat de Balaguer et el castiello de Lorenz. Et finalment el dito conte, qui era enstablido en el dito castiello, rendiosse al dito rey con su muller et sus fillos et tuvolos presos en el castiello de Loarre en Aragón, et el dito rey ensennyoriose del dito condado mientre vivió.
el qual Infant con la ayuda del Arcebispo de Tarragona conquistó la isla de Iuiça; et dió á Breto de Marsella qui era noble caballero encartado, el castiello de San Lorenz et el castiello de Estagell et muytos dons; semblants gracias fizo las quales serian luengas de contar.

Encara en un texto de l'anyo 1534 escrito en Lo Mas de las Matas en castellano pero con muitos elementos aragoneses se leye yglesia de Sant Lorenz de Aguaviva, referindo-se a la ilesia d'esta localidat catalanoparlant vecina:

los quales quiero que sian distribuydos en la forma siguient: Item primo el dia de mi fin quiero que me sian dichas dos misas. Item dexo al Santo Misterio de la yglesia de Sant Lorenz de Aguaviva tres sueldos. Item dexo a la lumbraria de senyora santa Maria et sant Lorez de Aguaviva tres sueldos.

Variants en otros idiomas[editar | modificar o codigo]

Veyer tamién[editar | modificar o codigo]

  1. ↑ 1,0 1,1 1,2 1,3 1,4 1,5 (es) EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014.
Obteniu de "https://an.wikipedia.org/w/index.php?title=Lorient&oldid=2127180"