Lois Pereiro
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Luis Ángel Sánchez Pereiro | |
|---|---|
 Lois Pereiro con 20 anyos. | |
| Información personal | |
| Calendata de naixencia | 16 de febrero de 1958 |
| Puesto de naixencia |  Monforte de Lemos (Lugo)
|
| Calendata de muerte | 24 de mayo de 1996 |
| Puesto de muerte | A Coruña (A Coruña)
|
| Ocupación | poeta |
| Pachina web | loispereiro.blogaliza.org |
Luis Ángel Sánchez Pereiro, mas conoixiu como Lois Pereiro, naixiu de Monforte de Lemos o 16 de febrero de 1958 y muerto en A Coruña o 24 de mayo de 1996,[1] estió un escritor y poeta galego. En l'anyo 2011 se l'adedicó o Día das Letras Galegas.[2][3]
Trachectoria
[editar | modificar o codigo]Naixiu de Monforte de Lemos, de familia procedent d'o Incio. Estudió en o colechio d'os Escolapios, y prencipió a escribir con 15 anyos. Dimpués de rematar o COU marchó ta Madrid, a on prencipió Ciencias Politicas y Sociolochía. Dimpués d'una estada en Monforte traballando en a empresa familiar, adedicada a o vidre, tornó ta Madrid ta estudiar luenga anglesa, francesa y alemana. Astí establió a revista Loia chunto a Antón Patiño, Manuel Rivas y o suyo chirmán Xosé Manuel Pereiro.
En 1981 marcha a vivir ta Coruña, a on s'une a la revista La Naval. En iste periodo dentró en contacto con un grupo de poetas entre os que feguraban Xavier Seoane, Francisco Salinas Portugal u Xulio Valcárcel, fendo parti de cuantas antolochías como De amor e desamor (1984) y De amor e desamor II (1985), y colaborando en revistas como La Naval, Trilateral, Anima+l y Luzes de Galiza. Ista zaguera publicaría en 1997 os ueito capítols d'a novela curta Náufragos do Paradiso.
En 1983 y 1987 viachó chunto a Fernando Saco por Europa. Treballó como traductor d'alemán, francés y inglés de doblache de cintas y, mas que mas, de televisión tanto convencional (episodios de Dallas y Kung Fu) como porno.[4][5]
Publicó dos poemarios en vida, Poemas 1981/1991 (1992) y Poesía última de amor e enfermidade (1995). En 1996, anyo d'a suya muerte, amaneixe Poemas para unha Loia, que reculle obras d'a epoca madrilenya, publicadas en a revista Loia, y que incluye l'asayo Modesta proposición para renunciar a facer xirar a roda hidráulica dunha cíclica historia universal da infamia, publicau en o nº 27 de Luzes de Galiza.
Respective a las causas d'a muerte de Pereiro, a tamas d'estar malauto de SIDA, estioron un cumulo de dolencias que rematoron con una insuficiencia hepatica. Oficialment y seguntes una sentencia de l'Audiencia Provincial de Lugo, dimpués d'un pleito ta que o Estau bosase o suyo entierro, o motivo d'a suya muerte estió una intoxicación por aceite de colza desnaturalizau.[6]
Reconoiximiento
[editar | modificar o codigo]En as zagueras anyadas, se veniba reivindicando que s'adedicase o día das Letras Galegas a iste poeta monfortino. En o marco d'ixa campanya se sitúa una reedición d'a suya obra poetica, traducida ta o castellano, catalán y basco, en chunto con os textos orichinals en galego.[7][8]
A la fin, o 26 de chunio de 2010 a Real Academia Galega publicó a suya decisión d'adedicar-le o Día das Letras Galegas de 2011. L'Academia apreció:
En parolas d'o escritor y miembro d'a Real Academia Galega Manuel Rivas:
Eixemplo d'a suya lirica
[editar | modificar o codigo]Contino se troba un paragrafo d'uno d'os suyos poemas, epitafio gravau en piedra en a suya fuesa en Santa Cristina do Viso (O Incio):
- "Cuspídeme enriba cando pasedes por diante do lugar onde eu repouse, enviándome unha húmida mensaxe de vida e de furia necesaria". (Lois Pereiro)
Obra
[editar | modificar o codigo]- 1992: Poemas 1981/1991.
- 1995: Poesía última de amor e enfermidade.
- 1997: Poemas para unha Loia.
- 2010: Conversa ultramarina.
- 2011: Náufragos do Paraíso.
- 2011: Antoloxía.
- 2011: Modesta proposición e outros ensaios.
- 2011: Obra poética completa.
- 2011: Obra completa (edición bilingüe).
Se veiga tamién
[editar | modificar o codigo]
Se veigan as imáchens de Commons sobre Lois Pereiro.
Bibliografía
[editar | modificar o codigo]- Patiño, A.: Lois Pereiro. Radiografía do abismo. Espiral Maior, 2010. ISBN 978-84-92646-43-2.
- Souto, X., Braxe, L., Pereiro, X.M.: Lois Pereiro. Fotobiografía sonora. Ouvirmos, 2010.
- Calvo, J.L., Gegúndez, C.: O negro leite da aurora. Viaxe á xeografía lírica de Lois Pereiro. Toxosoutos, 2011.
- Calveiro, M.: Lois Pereiro: náufrago do paraíso. Biografía e Antoloxía. Xerais, 2011.
- Lopo, A.: A palabra exacta. Biografía de Lois Pereiro. Galaxia, 2011.
- Martínez, I.: Lois Pereiro. Vida e obra. Xerais, 2011.
- Queixas, M.: Lois Pereiro. A urxencia poética dun futuro alleo. Laiovento, 2011.
Vinclos externos
[editar | modificar o codigo]- (gl) Web oficial de Lois Pereiro.
- (gl) Pachina de recursos da CGENDL.
- (gl) "Lois Pereiro, a encarnación dunha xeración", reportache de Aarón López en El Progreso.
- (gl) Biografía en a Praza das Letras.
- (gl) Biografía en a BVG.
- (gl) "La poesía bisturí de Lois Pereiro", articlo de Daniel Salgado en El País.
Referencias
[editar | modificar o codigo]- ↑ (gl) "Dez anos da morte de Lois Pereiro", reportache en Vieiros en mayo de 2006.
- ↑ "O Día das Letras do 2011 irá dedicado ao poeta monfortino Lois Pereiro", noticia en El Progreso o 26 de chuio de 2010.
- ↑ "O Día das Letras 2011 estará adicado ao poeta Lois Pereiro", noticia en Vieiros, 26 de chunio de 2010.
- ↑ (es) Una vida de conspiración. La Opinión Coruña. Mato, M. 20/3/2011
- ↑ (gl) Unha discográfica de Sarria publica a vida de Lois Pereiro en fotos e sons. Galiciaé. 3/2/2011. Jaureguizar
- ↑ (gl) Ficha d'o autor en Mundolois.gl.
- ↑ "Todo o que desprezamos na literatura galega poñémolo fronte a Lois Pereiro para que el o ataque"
- ↑ Lois Pereiro, a encarnación dunha xeración.
- ↑ El Día das Letras, para Lois Pereiro, poeta punk (en castelán)
| Control d'autoridaz |
|
|---|
Datos: Q727777- Multimedia: Lois Pereiro / Q727777