Locución verbal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Las locucions verbals son locucions formadas por un verbo y los suyos complementos que en conchunto forman una combinación fixa por haber-se dau un proceso de fraseolochización.[1]
Bi ha locucions verbals formadas por un verbo mes un sintagma nominal y locucions verbals formadas por un verbo mes un sintagma prepositivo.[1]
En aragonés, catalán, occitán y francés son importants las locucions verbals con lo verbo fer (fer el morro clo)[2], diferenciando-sen de lo castellano, astur-leyonés y galaicoportugués a on atros verbos como dar u echar son los mes comuns en las locucions verbals (dar la matraca, echar un cable).
A vegadas se parla de locucions verbals como un termin amplo que incluye las locucions verbals propiament ditas y las unidaz sintagmaticas verbals (en francés phrases à verbe support y en alemán Funktionsverbgefüge). Lo que caracteriza una unidat sintagmatica verbal ye que lo verbo se desemantiza y no tiene que valuas morfolochicas, pasando tot lo conteniu lexico a lo formant nominal, que gosa tener un sentiu abstracto. Las unidaz sintagmaticas verbals gosan estar conmutables con un sintagma simple.[1]
Referencias[editar | modificar o codigo]
- ↑ 1,0 1,1 1,2 (es) Leonor Ruiz: La fraseología del español coloquial. Editorial Ariel, p 40-45.
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0.
Bibliografía[editar | modificar o codigo]
- (es) Leonor Ruiz: La fraseología del español coloquial. Editorial Ariel
Se veiga tamién[editar | modificar o codigo]
| Las locucions verbals en aragonés y en atras luengas | ||
|---|---|---|
| Las locucions verbals en galaicoportugués | las locucions verbals en astur-leyonés | las locucions verbals en castellano | las locucions verbals en aragonés | las locucions verbals en catalán | las locucions verbals en occitán | las locucions verbals en francés | las locucions verbals en italiano | las locucions verbals en rumano | las locucions verbals en anglés | ||