Llagut
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O llagut u tamién llaüt (en castellano falucho) yera lo nombre d'as embarcacions que sulcaban l'Ebro pa transportar carga como cerials u carbón. Teneban un mástil con una vela latina manimenos pa remontar l'Ebro yeran remolcaus dende la marguina per hombres y bestiar que usaban os clamaus camins de sirga que recorreban paralelos a lo río.
En l'antigo lugar de Mequinenza i heba una important flota de llaguts pa transportar o carbón d'as minas cercanas. Tamién en 1936 encara funcionaban 22 llaguts en Fayón pa lo transporte d'o carbón.
Os llaguts deixoron d'usar-se en estar sustituyíus per atros meyos de transporte mas rapidos como lo ferrocarril u los cambions.
Llagut lo Cardenal
[editar | modificar o codigo]Iste llagut de 18 metros d'eslora estió mercau per la Deputación Cheneral d'Aragón en Benifallet, restaurau en Miravet y instalau en una exposición en o Monesterio de Rueda en 1992. En 2003 estió tresladau temporalment a Zaragoza an quedó instalau debant d'a Loncha.
