Lawsonia inermis
| Lawsonia inermis | |
|---|---|
 | |
| Denominacions populars | |
alquena, henna | |
| Clasificación cientifica | |
| Eukaryota | |
| Plantae | |
| Magnoliophyta | |
| Magnoliopsida | |
| Myrtales | |
| Lythraceae | |
| Lawsonia | |
| L. inermis | |
| Descripción | |
Lawsonia inermis L., | |
L'alquena[1] u henna[1] (nombre cientifico Lawsonia inermis) ye a unica especie d'o chenero Lawsonia, d'a familia d'as litracias.
Caracteristicas
[editar | modificar o codigo]Ye un matullo de 2–6 m d'altaria con fuellas chicotas, oposatas, enteras, sin pelos, subsésils, elipticas y de forma alto u baixo lanceolata de 1.5–5.0 cm x 0.5–2 cm.
As fuellas s'han emplegato dende tiempos antigo ta obtener alquena, producto ideyal ta tenyir a piel humana. Con l'alquena se pueden fer tatuaches temporals. O nombre "alquena" proviene de l'arabe حِنَّاء, AFI: al-ḥínna. Lo nombre mas conoixiu en aragonés clasico ye "alfenya" y se'n tien notorio por cuantos peaches y pontaches que la cuaternan entre as suyas mercadurías.
Usos y tradicions
[editar | modificar o codigo]
L'alquena se fa servir muito ta fer disenyos de color roya fosca en as mans y piez d'as chiquetas d'os países d'Orient Proximo, o subcontinent indio y Africa d'o norte mas que mas antis d'a voda.[2] Tenyir as mans con alquena, con disenyos complicatos u no pas, fa parti d'as tradicions d'as mesachas de muitos países antis d'a cerimonia d'o matrimonio.[3] O ritual de tenyir as mans y os piez d'a novia de royo lo celebran tanto os musulmans[4] como os hindús, cristianos, chudieus y zoroastrians d'as zonas a on que se practica o costumbre.[5]
A pasta se prepara picando as fuellas con un mortero; l'alquena tamién se fa servir ta tenyir o cabello de color roya. Se puet ixecar y alzar en forma de polvos y se pueden fer preparacions a base d'alquena que dan una color negra.
A pasta d'alquena se deixa sobre as mans un buen ratet y dimpués se lava con augua. Frotando as mans con aceite de mostaza a color se torna mas intensa, amanando-se a o narancha u royo/marrón fosco. Pasatas unas semanas a color fosca orichinal d'alquena va desapareixendo china-chana deixando una color narancha y dimpués tornando a la color natural d'a piel.
Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Le henné, art des femmes de Mauritanie. ISBN 978-92-3-203487-8.
- ↑ Westermarck, E. (1926). Ritual and Belief in Morocco Vols 1 & 2. London, UK: Macmillan and Company, Limited
- ↑ Marriage ceremonies in Morocco. ISBN 978-0-87471-089-2.
- ↑ The Jews of Kurdistan. ISBN 978-0-8143-2392-2.
Vinclos externos
[editar | modificar o codigo]
Se veigan as imáchens de Commons sobre Lawsonia inermis.- (en) The Henna Page
| Control d'autoridaz |
|
|---|
Datos: Q182448- Multimedia: Lawsonia inermis / Q182448
Especies: Lawsonia inermis