La Zafriella

Zafriella
Municipio de Castiella-La Mancha
Entidat  • Estato  • Comunidat  • Provincia  • Comarca	Municipio Espanya  Castiella-La Mancha Cuenca Serranía Alta
Superficie	106,08 km²
Población  • Total	88 hab. (2012)
Altaria	1417 m.
Distancia  • 100 km	enta Cuenca
Ríos	Cabriuel
Coordenatas
Zafriella Situación de Zafriella en Castiella-La Mancha

La Zafriella (Zafrilla en castellán) ye un municipio castellano-manchego, situau en a provincia de Cuenca. A suya población ye de 108 habitants(2007), en una superficie de 106,08 km² y una densidat de población de 1,02 hab/km².

Toponimia

D'alcuerdo con Wilfhelm Giese en a peninsula iberica a evolución de صخر sakhra ("penya", "roca") y صح sahra ("estéril", "no cautivau", "desierto") converchioron en parabras presas por os idiomas romances como safara d'o portugués con os dos significaus (terreno sáfaro, penhasco). D'esta traza bi ha toponimos tipo Zafra en cinglos y penyas.

En os textos medievals d'os monches d'o Monesterio de Piedra, que teneban propiedatz en la zona d'Albarrazín y Teruel, s'escribe La Çafriella:

e como decende al fondon a yuso de Val Vellidiello e por la senda que va a la Çafriella, e como va a la cordillera de faz e a la fuent el Verro que part con Moya, e la cordellera adelant...

Cheografía

La Zafriella ye a piet de la sierra de Zafriella y desaugua enta lo río Cabriuel a traviés de dos afluents suyos a man dreita: río de la Fuentefría, (que reculle las auguas de lo barranco de la Fuent d'el Berro), y río Zafriella. En lo suyo termin municipal bi ha dos aldeyas despobladas: Collado Verde de Arriba y Collado Verde de Abajo.