La Còla
| La Còla La Colle |
|
|---|---|
| Vico de Mónegue | |
 La Còla en Mónegue |
|
| Entidat • Estato • País |
Vico Mónegue Occitania |
| Superficie • Total |
0,11 km² |
| Población • Total |
2.829 hab. |
| Numero | 07 |
La Còla (en francés La Colle, en francés antigo L'Acaulle) ye un d'os once vicos, situato en a parti ueste d'o prencipato de Mónegue.
O vico ye situato en l'antiga comuna de La Condamina, fendo tradicionalment parti d'o vico de Moneghetti. A suya superficie ye de 175.811 m² y se divide en quince bloques administrativos.
O suyo numero ye o 07, seguntes l'administración monegasca.
Demografía[editar | editar código]
Iste vico ye o segundo mas chicot de Mónegue en termins de población (Ciudat de Mónegue ye o menor), y ye o tercero mas chicot en superficie. La Còla tien una población de 2.829 habitants y una superficie de 0.11 km².[1] .
Mónegue tien diez escuelas publicas, quatre escuelas privatas, y una universidat. Una d'as escuelas privatas y una d'as publicas se troban localizatas en iste vico[2]
Localización[editar | editar código]
La Còla se troba en a parti norueste d'o país, chusto a o norte de Fòntvièlha.[3] La Còla se considera por un regular parti de Moneghetti, encara que administrativament ye independient. Muga con as localidatz francesas de Bèusoleu y Caup d'Alh, igual que os vicos munegascos de Las Reveras, Fòntvièlha y Moneghetti.[3]
Torismo[editar | editar código]
La Còla ye mas que mas una aria industrial, encara que bi ha quantos chicotz hotels astí, que aduyan a cubrir l'alta requesta de plazas hoteleras de Mónegue.[3]
Caracteristicas[editar | editar código]
La Còla ye, dimpués de Fòntvièlha, una d'as arias mas industrials de Mónegue.[4] Por eixemplo, astí bi ha una fabrica respetuosa con o meyo ambient d'a interpresa Venturi Automobiles y a suya subsidiaria Voxan.[5] A suya localización en o prencipato fa que sía un puesto sobrebueno ta o trafico de mercancías ya que se troba en un d'os cabos d'a ciudat y, por ixo, l'actividat industrial no afecta a o important sector d'o torismo en Mónegue.[4]
Manimenos, encara que La Còla ye una zona mas que mas industrial, tamién bi ha viviendas, prencipalment en a a muga con o vico de Las Reveras.[6] Debito a la localización de La Còla, mas luent d'o centro d'a ciudat, os pres d'os inmuebles son por un regular mas baixos.[7] Os pres son entre un 13% y un 18% mas baixos que en os vicos de Fòntvièlha u La Condamina.[8]
Se i troba o Hespital Princesa Grace, o solo hespital de Mónegue.[9]
Referencias[editar | editar código]
- ↑ (fr) Censo 2008
- ↑ (en) Escuelas en Mónegue
- ↑ 3,0 3,1 3,2 (en) Cheografía de Mónegue
- ↑ 4,0 4,1 (en) Walks through Monaco
- ↑ (fr) Venturi aujourd'hui
- ↑ (fr)(en) Gubierno de Mónegue
- ↑ (en) Vicos de Mónegue
- ↑ (en) www.montecarlo-realestate.com
- ↑ (fr) Hespital Princesa Grace
|
|||
| Montcarles | La Rossa e Sant Roman | Larvotto e Molins Bas | La Condamina | Mónegue | Fòntvielha | La Còla | Las Reveras | Moneghetti | Sant Miquel | Lo Pòrt |
