Fòntvielha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fòntvielha Funtanaveya Fontvieille
Barrio de Mónegue
Anvista d'o barrio
Entidat  • Estato  • País	Barrio Mónegue Occitania
Superficie  • Total	0.329516 km²
Población  • Total	3.300 hab.
ISO 3166-2	MC-FO
Numero	06
Fòntvielha en Mónegue

Fòntvielha (en occitán Fòntvielha, en monegasco Funtanaveya, en francés Fontvieille) ye un d'os once barrios, situato en a parti ueste d'o prencipau de Mónegue.

En o barrio de Fòntvielha se troban fabricas, oficinas y viviendas, asinas como una estación de bombers d'o prencipau.

Ye un barrio que s'ha ganato cuasi de tot a la mar, a traviés d'un prochecto de l'arquitecto Manfredi Nicoletti. Una chicota porción de terreno de Fòntvielha perteneixe a la comuna de Caup d'Alh (Republica francesa).

Ye tamién aquí a on se troba o nuevo puerto esportivo d'o prencipau, dito puerto de Fòntvielha.

Bi ha edificios de muito luxo, y tamién un gran numero de viviendas de protección oficial destinatas a permitir tanto a munegascos como a os "Enfants du pays" (ciudadans franceses naixitos de Mónegue pero que no han puesto acceder a la nacionalidat) trobar una casa a on o precio de loga no sía imposible de bosar.

Iste barrio ye tamién o puesto a on s'ubica o nuevo estadio Louis II, que ye o campo de fútbol a on chuga l'AS Monaco, una piscina, una piscina de brincos, una sala polivalent (baloncesto, balonmán, voleibol), numerosas oficinas y a seu d'a International University of Monaco (IUM) (universidat anglofona).

Molimentos

• A ilesia de Sant Nicolau
• O estadio Louis II
• O helipuerto de Mónegue