Kramer vs. Kramer

Iste articlo ye sobre una cinta de cine estausunidense de drama chudicial; ta la novela d'o mesmo títol, se veiga Kramer vs. Kramer (novela).

Kramer vs. Kramer
Títol	Kramer vs. Kramer
Póster d'a cinta.
Ficha tecnica
Dirección	Robert Benton
Producción	Richard Fischoff Stanley R. Jaffe
Guión adaptau	Robert Benton
Basau en	Kramer Versus Kramer, novela de 1977 d'Avery Corman
Musica	John Kander
Fotografía	Néstor Almendros
Montache	Gerald B. Greenberg
Escenografía	Alan Hicks
Vestuario	Ruth Morley
Actors	Dustin Hoffman Meryl Streep Justin Henry Jane Alexander Petra King Melissa Morell Howard Duff George Coe JoBeth Williams Howland Chamberlain
Datos y cifras
País(es)	Estaus Unius
Anyo	1979
Debantadera	5 d'aviento de 1979 Los Angeles (California, Estaus Unius) 19 d'aviento de 1979 Estaus Unius
Chenero(s)	Cine de drama Cine de chudicios
Durada	105 min.
Idioma(s)	Anglés
Companyías
Productora(s)	Stanley Jaffe Productions
Distribución	Columbia Pictures
Informacions en bases de datos especializadas:

Kramer vs. Kramer (títol orichinal en anglés, en aragonés Kramer conta Kramer, enguerada en Aragón con ixe mesmo títol en castellano) ye una cinta de cine estausunidense de cine de drama chudicial de l'anyo 1979 dirichida por Robert Benton seguntes un guión adaptau por él mesmo (basau en a novela Kramer Versus Kramer, publicada l'anyo 1977 por Avery Corman), con una banda sonora orichinal de John Kander, una dirección de fotografía de Néstor Almendros, una producción cinematografica de Richard Fischoff y Stanley R. Jaffe ta la suya productora cinematografica Stanley Jaffe Productions y con un elenco formau por os actors Dustin Hoffman, Meryl Streep, Justin Henry, Jane Alexander, Petra King, Melissa Morell, Howard Duff, George Coe, JoBeth Williams y Howland Chamberlain.

En a cinta se conta la historia de Ted Kramer, casau con Joanna, que bel día en plegar en a suya casa se troba con que su muller ha decidiu marchar, en considerar que su mariu tiene a su familia albandonada y que ella mesma no logra realizar-se como persona en tener que cudiar de contino d'o suyo fillo sin l'aduya d'o mariu; Ted ha d'afrontar a situación y adedicar-se a cudiar d'o fillo, en mantenindo lo suyo treballo, encara que lo fillo se'n resiente; tanimientres, tiempo dimpués Joanna decide reclamar la custodia d'o fillo, en haber trobau a suya estabilidat personal, prencipiando asinas una dura batalla legal por a custodia. A cinta s'ambienta en a suya epoca actual (1979) en a ciudat de Nueva York y la filmación d'as suyas escenas s'escaició integrament en cuantas localizacions d'ixa mesma ciudat.

Ye una cinta que ha recibiu cuantismos premios y nominacions, en destacando cinco Premios Oscar (incluyius Millor Cinta, Millor Director, Millor Actor y Millor Actriz Segundaria) en a suya 52^ena edición con atras cuatre nominacions, cuatre Premios Globos d'Oro (incluyius Millor Cinta Dramatica, Actor Dramatico y Millor Actriz Segundaria) en a suya 37^ena edición , con atras cuatre nominacions, seis nominacions a los Premios BAFTA, una nominación a los Premios César y tres Premios David de Donatello (Millor Cinta Forana, Millor Actor Forano y Premio David Especial) en a suya 25^ena edición.

Elenco

Actor	Papel	Notas
[[]]	'

Se veiga tamién

• Cine en 1979.
• Cintas de 1979.

Vinclos externos

• (en) Kramer vs. Kramer en Internet Movie Database.
• (en) Kramer vs. Kramer en AllMovie.
• (en) Kramer vs. Kramer en TCM Movie.
• (en) Kramer vs. Kramer en l'American Film Institute Catalog de l'American Film Institute.
• (en) Kramer vs. Kramer en Rotten Tomatoes.
• (es) Kramer vs. Kramer en FilmAffinity.
• (fr) Kramer vs. Kramer en Allociné.
• (en) Kramer vs. Kramer en Letterboxd.
• (en) Kramer vs. Kramer en Box Office Mojo.
• (en) Kramer vs. Kramer en Metacritic.
• (en) Kramer vs. Kramer en Netflix.

• Datos: Q193577