Juan Moneva y Puyol
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Pa o municipio d'a provincia de Zaragoza, se veiga Moneva.
| Juan Moneva y Puyol | |
|---|---|
| Información personal | |
| Calendata de naixencia | 21 d'agosto de 1871 |
| Puesto de naixencia |  Pollos, Valladolit (Castiella y Leyón)
|
| Calendata de muerte | 7 de chulio de 1951 |
| Edat | 79 anyos |
| Puesto de muerte |  Zaragoza (Aragón)
|
| Ocupación | Churista, catedratico, academico y politico |
Juan Moneva y Puyol (Pollos, Valladolit, 21 d'agosto de 1871 - Zaragoza, 7 de chulio de 1951) fue un churista, avogau, catedratico d'universidat y politico aragonés naixiu de Castiella cuasi de casualidat. Fillo de zaragozanos, s'en tornarían ta la ciudat en 1878, cuan teneba 7 anyos, y pa cutio.[1]
Formación[editar | modificar o codigo]
Estudió Bachillerato en Zaragoza, a on se tituló en Artes en 1887,[1] y se licenció en Ciencias por a Universidat de Zaragoza en 1892. Dimpués, emprendió a carrera de Dreito, d'a cual se'n licenció en 1895.[1] Dende 1897 fue doctor en Dreito por a mesma Universidat.[1]
Obtenió a catedra de Dreito Canonico en a Univesidat de Zaragoza en 1903[1] y a exerció mas de cuaranta anyos[2] dica 1941, cuan se chubiló por fuerza.[2]
Personalidat[editar | modificar o codigo]
Hombre profundament catolico, teneba como conceptos en alto la honor y la moral, y detestaba la hipocresía, con a cual se concaraba dreito y con gran franqueza, o que le fizo tener bels conflictos con atras personas en a suya vida.[2]
Sentiba gran amor por Aragón, y como churista esfendió firme as particulridaz d'o dreito aragonés contra lo que él consideraba a «invasión» d'o dreito común.[2] Fue a figura mas representativa d'ixe movimiento.Ya enantes d'a Guerra Civil fue vocal en a comisión codificadera de dreitos forals. Dimpués d'o conflicto, fue president d'o Consello d'Estudeos de Dreito Aragonés dende 1940,[2] y promovió a celebración d'o II Congreso de Churisconsultos Aragoneses.[2] Fue fundador y director d'o Estudio de Filología de Aragón.
Amo d'una gran cultura, teneba una visión ampla d'Espanya que le capacitaba pa querer y comprender as atras rechions. De choven, heba viviu en un ambient familiar marcau por l'anti-catalanismo,[2] manimenos d'adulto plegaría a apreciar a cultura de Catalunya,[2] fizo grans amigos catalans entre hombres de Leis y de Letras, leyeba a os grans autors catalans d'a suya epoca y secundó os esfuerzos d'Eduard Toda pa reconstruir o monesterio y abadía de Poblet.[2] Plegó a estar miembro d'a Reyal Academia de Buenas Letras de Barcelona y de l'Institut d'Estudis Catalans.[2]
Tamién estaría miembro d'a Reyal Academia de Buenas Letras de Sevilla, a Real Academia Española, a Reyal Academia de Ciencias Morals y Politicas de Madrit y a Reyal Academia de Churisprudencia y Lechislación.