José Manuel Blecua Perdices
- Iste articlo ye sobre lo filologo aragonés José Manuel Blecua Perdices; ta atros usos, se veiga José Manuel Blecua .
| José Manuel Blecua Perdices | |
|---|---|
 | |
| Información personal | |
| Calendata de naixencia | 21 de chunio de 1939 |
| Puesto de naixencia |  Zaragoza (Comarca Central, Aragón) |
| Calendata de muerte | 29 de mayo de 2026 |
| Puesto de muerte |  Madrit (Comunidat de Madrit, Espanya) |
| Alma Máter | Universidat de Zaragoza |
| Ocupación | Filologo y lexicografo |
José Manuel Blecua Perdices, naixiu de Zaragoza (Comarca Central, Aragón) o 21 de chunio de 1939 y falleixiu en Madrit (Comunidat de Madrit, Espanya) o 29 de mayo de 2026,[1] estió un filologo y lexicografo aragonés, fillo d'o tamién filologo y gramatico José Manuel Blecua Teijeiro, y chermano d'o tamién filologo Alberto Blecua Perdices. Ingresó en l'anyo 2006 en a Real Academia Española con o sillón h, y lo 16 d'aviento de 2010 estió esleyiu director d'ista institución.[2]
Biografía
[editar | modificar o codigo]En chunto a su chermano Alberto s'aficionó a la lectura en leyendo cómics y literatura popular. En l'Instituto Goya a on i treballaba su pai tenió como profesor a filologos de l'altaria de Francisco Ynduráin en Historia d'a Literatura u Ildefonso Manuel Gil; iste zaguero estió especialment important ta él. Estió profesor d'amostranza meya y dimpués catedratico de Luenga Espanyola en a Universidat Autonoma de Barcelona, a on dirichió o Seminario de Filolochía y Informatica. Tamién ye estau o director academico de l'Instituto Cervantes.
Ha estau profesor invitau d'a Ohio State University (1970) y y en o Centro de Lingüísticos y Literarios d'El Colegio de México (1986-1987). Con Juan Alcina Franch ye autor d'una Gramática Española; dirichió lo Diccionario general de sinónimos y antónimos y ha publicado a-saber-los treballos de lexicografía y sobre historia d'as ideyas lingüisticas en Espanya, l'aplicación d'as nuevas tecnolochías a l'estudio d'a luenga espanyola y l'estudio d'o espanyol como luenga estranchera. Ye autor d'o libro d'estilo d'o diario barcelonés La Vanguardia. Obtenió lo premio Aragón, en a suya modalidat nacional, en 2005 y estió o president d'a Comisión Estatal ta la celebración d'o IV Centenario d'El Quijote.
Obras
[editar | modificar o codigo]- Atlas de la literatura española. Barcelona, Jover, 1972.
- Lingüística y significación. Barcelona, Salvat, 1973.
- Gramática española. Barcelona, Ariel, 1979. (Con Juan Alcina Franch)
- Qué es hablar. Barcelona, Salvat, 1982.
- Literatura española. Madrid: SA de Promoción y Ediciones, 1988.
- Diccionari avançat de sinònims i antònims de la llengua catalana. Barcelona, Bibliograf, 1997. 7.ª ed. (Como director.)
- Estudios de grafemática en el dominio hispánico. Salamanca, Universidad de Salamanca / Instituto Caro y Cuervo, 1998. (Como editor, con Juan Gutiérrez y Lidia Sala.)
- Diccionario general de sinónimos y antónimos. Barcelona: VOX Universidad, 1999. (Como director.)
Referencias
[editar | modificar o codigo]- ↑ (es) Daniel Monserrat: Muere el filólogo aragonés y exdirector de la RAE, José Manuel Blecua Perdices: adiós a una manera de entender la lengua, en El Periódico de Aragón, 29 de mayo de 2026.
- ↑ (es) El zaragozano José Manuel Blecua, nuevo director rae. Heraldo de Aragón. 17 d'aviento de 2010.
| Predecesor: Ignacio Martínez de Pisón |
Premio d'as Letras Aragonesas 2012 |
Succesor: José Verón Gormaz |
| Control d'autoridaz |
|
|---|
Datos: Q3042205
Multimedia: José Manuel Blecua / Q3042205