Joan Antoni Samaranch i Torelló
Joan Antoni Samaranch 
| |
|---|---|
 Joan Antoni Samaranch en os Chuegos Olimpicos de Sydney | |
| Información personal | |
| Calendata de naixencia | 17 de chulio de 1920 |
| Puesto de naixencia |  Barcelona (Catalunya)
|
| Calendata de muerte | 21 d'abril de 2010 |
| Puesto de muerte | Barcelona (Catalunya)
|
| Ocupación | Interpresario y politico |
| President d'o Comité Olimpico Internacional President d'o Comité Olimpico espanyol President d'a Deputación de Barcelona. | |
Joan Antoni Samaranch i Torelló (Barcelona, 17 de chulio de 1920 - †Barcelona, 21 d'abril de 2010),[1] estió un interpresario y politico catalán. Estió president d'o Comité Olimpico Internacional (COI) dende 1980 dica 2001,[2] d'o Comité Olimpico Espanyol (COE) dende 1967 dica 1970, y tamién, entre atros cargos politicos, estió lo zaguer president franquista d'a Deputación provincial de Barcelona, afiliato a Falange Española Tradicionalista y de las JONS, o partito unico d'o dictador.
Estió un gran reformador d'os Chuegos Olimpicos y un pionero en a promoción d'o esporte ta discapacitatos en Espanya creyando a Federación d'Esporte ta Discapacitatos en 1968 y estando o prencipal impulsor d'os Chuegos Paralimpicos.[3]
Como esportista practicó fútbol, boxeyo, hipica, vela, golf, y especialment hockey sobre patins en a sección d'o RCD Espanyol a on chugaba de portero dica a meitat d'a decada de 1950, dimpués continó como directivo, entrenador d'a sección y d'a selección espanyola. Tamién fue o primer president d'a Federación Espanyola de Patinache y vicepresident d'a Federación Internacional.[4]
Prencipals reconoiximientos[editar | modificar o codigo]
- 1982: Copa Stadium, (Premios Nacionals d'o Esporte).
- 1985: Medalla d'Oro d'a Cheneralidat de Catalunya.
- 1988: Premio Prencipe d'Asturias d'os Esportes.
- 1991: Concesión d'o Marquesau de Samaranch.
- Collar d'a Orden d'Isabel a Catolica.
- 2006: Copia Olimpia (Premios Nacionals d'os Esportes).[5]
Referencias[editar | modificar o codigo]
- ↑ (es) Muere Juan Antonio Samaranch a los 89 años, en o diario Heraldo de Aragón.
- ↑ (en) Biografia d'os Presidents d'o COI
- ↑ (es) Noticia en a pachina web de COMENFE (Confederación Española de personas con Discapacidad Física y Orgánica).
- ↑ (es) El campeón mundial de hockey patines que introdujo la pelota
- ↑ (es) Premios Nacionals d'o Esporte 2006
Vinclos externos[editar | modificar o codigo]
Se veigan as imachens de Commons sobre Juan Antonio Samaranch.
 Premios Prencipe d'Asturias
| ||
|---|---|---|
| Predecesor: Sebastian Coe |
Premio Prencipe d'Asturias d'os Esportes 1988 |
Succesor: Severiano Ballesteros |
| Predecesor: Lord Killanin |
 1980-2001 |
Succesor: Jacques Rogge |
| Predecesor: José Antonio Elola-Olaso |
President d'o COE 1967-1970 |
Succesor: Juan Gich |
| Predecesor: Josep Muller |
 1973-1977 |
Succesor: Josep Tarradellas |