Golf
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O golf[1] ye un esporte en que cal ficar una chicota pilota en una serie de cloz, que se troban distribuitos por tot o campo, por meyo d'una succesión de trucazos feitos con un tocho. O conchunto de tochos que se fan servir incluyen diferents tipos, feitos de metal u fibra de carbonio.
O golf se chuga en un campo de hierba natural a l'aire libre. A diferencia de muitos atros esportes, o golf no tien una superficie de chuego standardizata. Un campo de golf ocupa una superficie ampla y ye formato por un regular por 9 u 18 recorritos parcials. A la fin de cadagún d'istos recorritos bi ha un clot a on que bi ha que ficar a pilota con o menor numero de trucazos posibles.
O golf estió esporte olimpico en os Chuegos Olimpicos en París 1900 y Saint Louis 1904, y sera una atra vegata olimpicos en os Chuegos Olimpicos de Río de Janeiro de 2016.
Golf en Aragón
[editar | modificar o codigo].jpg)
En zaguerías s'ha popularizato muito iste esporte en o nuestro país, habendo-ie actualment un total de 9 campos de golf:
- Aeroclub de Zaragoza (9 cloz), situato en a base aeria de Zaragoza y d'uso nomás ta militars d'aviación y socios de l'aeroclub.
- La Peñaza (18 cloz), se troba amán de Zaragoza. Ye un campo de golf privato.
- Los Lagos de Pinseque (18 cloz), se troba en a localidat de Pinsec.
- Augusta Golf Calatayud (18 cloz), campo publico, situato en Calatayú.
- Golf de Badaguás (9 cloz), en a Urbanización Lomas de Badaguás, municipio de Chaca.
- Benasque Club (18 cloz), en a Urbanización Benasque Golf en Benás.
- Golf de Guara (9 cloz), que se troba en Arascués, municipio de Nueno.
- Las Margas Golf (18 cloz), en Latas, municipio de Samianigo.
- El Castillejo (9 cloz), en Alcalá de la Selva.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
Vinclos externos
[editar | modificar o codigo]
Se veigan as imáchens de Commons sobre Golf.- (en) Federación Internacional de Golf.
- (en) Asociación Europea de Golf.
- (en) Asociación de Golfistas Profesionals.
- (es) Federación Aragonesa de Golf.
- (es) Los Lagos de Pinseque.
- (es) La Peñaza.
- (es) Augusta Golf Calatayud.
- (es) Golf de Guara.
- (es) Las Margas Golf.
