Jesús Moncada

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Jesús Moncada
Jesús Moncada en 2001
Información personal
Calendata de naixencia	1 d'aviento de 1941
Puesto de naixencia	Mequinenza (Cinca Baixa, Aragón)
Calendata de muerte	13 de chunio de 2005
Puesto de muerte	Barcelona (Barcelonés, Catalunya)
Ocupación	Escritor y traductor

Jesús Moncada Estruga (Mequinenza, 1941 - Barcelona, 2005) estió un escritor y traductor aragonés en luenga catalana.

Biografía

Moncada naixió en Mequinenza, lugar de parla catalana d'a comarca d'a Cinca Baixa, en Zaragoza, un 1 d'aviento de 1941. Ixe paisache estariba con os anyos o escenario a on que iban a trascorrer as suyas obras, ricas en lexico local.

Considerato un d'os autors mes importants d'a literatura contemporania en catalán, a obra de Moncada ye estata reconoixita per a critica y ganadera de diversos premios y destincions. Ye igualment un d'os autors d'a literatura en catalán mes tradueitos. Una d'as suyas obras prencipals, Camí de sirga ("Camín de sirga"), ye tradueita ta mes de quince idiomas, d'entre élls l'aragonés.

En a suya faceta de traductor, Moncada abocó enta o catalán muitas obras d'a literatura francesa, d'autors tan diversos como Jules Verne, Alexandre Dumas, Guillaume Apollinaire u Boris Vian. Emplegó pseudonimos ta muitas d'as suyas traduccions.

Poco antis d'a suya muerte, Moncada recebiba o Premio d'as Letras Aragonesas 2004 en Teruel. O churato l'heba trigato perque tota la suya obra literaria succede en Aragón, os suyos personaches, os suyos paisaches, y tamién o suyo mundo imachinario mantién o reflexo fidel d'a suya tierra d'orichen. Mesmo fendo uso d'una luenga minoritaria, ha conseguito que as suyas obras sigan tradueitas ta infinidat d'idiomas y son conoixitas en o mundo entero".

O 13 de chunio de 2005 moriba d'un cáncer. O 9 de chulio li atorgoron postumament a destinción de fillo predilecto de Mequinenza, y se'n aventoron as cenisas en o terreno familiar d'o lugar antigo, cara ta l'entibo de Ribarroya, o suyo paisache natal y literario.

Obra

Novelas

Camí de sirga "Camín de sirga" (1988)
La galeria de les estàtues "A galería d'as estatuas" (1992)
Estremida memòria "Esterizata memoria" (1997)

Relatos curtos

Històries de la mà esquerra i altres narracions "Historias d'a man ezquierda y altras narracions" (1981)
El cafè de la granota "O café d'a rana" (1985)
Calaveres atònites "Calaveras esturditas" (1999)
Contes "Cuentos" (replega d'os suyos tres primers libros de relatos) (2001)
Cabòries estivals i altres proses volanderes "Barucas estivals y altras prosas volanderas" (2003)

Premios y honors

1971: Premio Joan Santamaria (Per Històries de la mà esquerra i altres narracions).
1988: Premio Joan Crexells (Per Camí de sirga).
1988: Premio Nacional de la Crítica - narrativa catalana (Per Camí de sirga).
1989: Premio de la Fundació d'Amics de les Arts i les Lletres de Sabadell (Per Camí de sirga).
1989: Premio Ciutat de Barcelona (Per Camí de sirga).
1989: Premio de la Crítica Serra d'Or de novel·la (Per Camí de sirga).
1997: Premio Joan Crexells (Per Estremida memòria).
1998: Premio de la Crítica Serra d'Or de novel·la (Per Estremida memòria).
2001: Premio dels Escriptors Catalans de l'AELC (Per a calidat d'o conchunto d'a suya obra).
2001: Creu de Sant Jordi (Cruz de Sant Chorche, maxima destinción atorgata per a Cheneralidat de Catalunya a personas destacatas en a difusión y promoción d'a luenga y cultura catalanas).
2005: Premio d'as Letras Aragonesas de 2004.

Vinclos externos

Fragmento d'a traducción aragonesa de "Camín de sirga" en o web d'o PEN Català.
(ca) Jesús Moncada en o web de l'Associació d'Escriptors en Llengua Catalana.
(ca) Jesús Moncada en o web de Lletra, portal en linia d'a literatura catalana.
(es) Jesús Moncada en a Gran Enciclopedia Aragonesa.
(es) Jesús Moncada en a Gran Enciclopèdia Catalana.
(ca) Laura Ferré Badia, "L'estil literari de Jesús Moncada a Estremida Memòria: Entre el català normatiu i la llengua de Mequinensa", Premi d’Investigació “Jesús Moncada” 2018.
(ca) Artur Garcia Fuster, "Memoria, Oralitat i Ironia a la narrativa de Jesús Moncada", Premi d’Investigació “Jesús Moncada” 2018.

Predecesor:
Soledad Puértolas

Premio d'as Letras Aragonesas
2004

Succesor:
Rosendo Tello

Datos: Q1613179