Javier Lambán

De Biquipedia
Ir ta: navego, busca
Javier Lambán
Javier Lambán

Actualment en o cargo
Dende o 15 de chulio de 2015
Precedito por Luisa Fernanda Rudi

Actualment en o cargo
Dende o 31 de marzo de 2012
Precedito por Marcelino Iglesias

16 de chunio de 2007 – 15 de chulio de 2014
Precedito por Eduardo Alonso Lizondo
Succedito por Teresa Ladrero Parral

chulio de 1999 – 22 de chunio de 2011
Precedito por José Ignacio Senao
Succedito por Luis María Beamonte

Actualment en o cargo
Dende o 22 de mayo de 2011

7 de mayo de 1983 – 15 de chulio de 2014
Naiximiento 19 d'agosto de 1957
Coat of Arms of Ejea de los Caballeros.jpg Exea d'os Caballers (Zaragoza)
Partito PSOE
Conchuche María Luisa Lázaro
Profesión Profesor d'Instituto, historiador

Francisco Javier Lambán Montañés (Exea d'os Caballers (Zaragoza), Aragón, 19 d'agosto de 1957) ye un politico aragonés, actual President d'a Deputación Cheneral d'Aragón, perteneixient a lo PSOE-Aragón, d'o qual ye secretario cheneral. Ye deputau d'as Cortz d'Aragón en a suya IX lechislatura y fue president d'a Deputación Provincial de Zaragoza de 1999 a 2011.[1]

Biografía[editar | editar código]

Naixiu d'Exea d'os Caballers, estudió Filosofía y Letras en a Universidat de Zaragoza y en a Universidat de Barcelona, an se licenció. A suya tesi tiene por títol: La reforma agraria en Aragón en la Segunda República.[2] Exerció como profesor d'instituto en Exea en 1981 y posteriorment. Ye sobrino d'o famoso luitador Félix Lambán.[3]

Politica[editar | editar código]

Monecipal y provincial[editar | editar código]

Dende las eleccions monecipals de 1983, fue conceller por o PSOE en Exea d'os Caballers y segundo tenient d'alcalde en o concello, asinas como portavoz d'o PSOE en la oposición en o mandato d'o Partito Rechionalista Aragonés 1987-1991.

Con o retorno d'o PSOE ta lo gubierno monecipal, fue nombrau primer tenient d'alcalde, de vez que yera deputau en a Deputación Provincial de Zaragoza, institución que presidió dende lo 13 de chunio de 1999 dica o 22 de chunio de 2011, y secretario provincial d'o PSOE de Zaragoza entre 2001 y 2012. Tamién fue alcalde d'Exea d'os Caballers entre 2007 y 2014.

Nacional[editar | editar código]

Dende lo 31 de marzo de 2012 ye secretario cheneral d'o PSOE d'Aragón.[4] Dimpués d'o suyo nombramiento, renunció a lo cargo de deputau provincial y portavoz d'o PSOE en a Deputación Provincial de Zaragoza, ta estar president d'o grupo parlamentario socialista en as Cortz d'Aragón y liderar la oposición parlamentaria.

En 2014 fue esleíto candidato d'o PSOE a la presidencia d'a Deputación Cheneral d'Aragón ta las eslecions nacionals de l'anyo venient en un proceso de primarias en que fue l'unico candidato que aconsiguió los avals desichius.[5] Dimpués d'as eslecions de 24 de mayo de 2015, an o Partito Socialista fue la segunda fuerza politica más votada, Lambán consiguió un alcuerdo ta estar feito president. Lo 5 de chulio de 2015 prenió posesión d'o suyo cargo como president d'a Deputación Cheneral d'Aragón gracias a los votos favorables de PSOE (18 deputatos), Podemos (Espanya) (14), Chunta Aragonesista (2) y Ezquierda Unida d'Aragón (1).[6]

Publicacions[editar | editar código]

  1. Historia moderna. Coord. por Javier Lambán Montañés. Centro de Estudios de las Cinco Villas, 1990.
  2. Historia contemporánea. Coord. por Javier Lambán Montañés. Centro de Estudios de las Cinco Villas, 1992.
  3. 'Periodismo local y comarcal: Cinco Villas', en Historia del periodismo en Aragón, coord. por Juan Antonio Dueñas Labarias, 1990
  4. 'Los caminos contemporáneos de las Cinco Villas: un debate centenario', en VI Jornadas de Estudios sobre las Cinco Villas, Exea d'os Caballers, 1995.
  5. 'Santiago Ramón y Cajal. Un sabio aragonés al frente de la ciencia española', en Doctori Solsona amicorum liber, 2007, p. 19-24.
  6. 'Las tres religiones del Libro en Aragón', Trébede. Mensual aragonés de análisis, opinión y cultura, n.º 68, 2002, p. 14-20.

Referencias[editar | editar código]

  1. Senato d'Espanya. [1] Consulta 16/11/2015
  2. Cortes de Aragón.[2] consulta 16/11/2015
  3. José Ramón Gaspar, cincovillas.com,[3] consulta 16/11/2015
  4. El Correo. [4] consulta 16/11/2015
  5. Diario del Alto Aragón.[5] consulta 16/11/2015
  6. Heraldo de Aragón.[6] consulta 16/11/2015