IG Metall
| IG Metall | |
|---|---|
 | |
| Datos chenerals | |
| Líder | Christiane Benner |
| Periodo | {{{periodo}}} |
| Establiu | 1 de setiembre de 1949 |
| Desaparición | {{{desaparición}}} |
| Seu | Main Forum, Frankfurt d'o Main, Alemanya |
| Ideolochía | |
| Colors | Royo |
| Ambito politico | |
| Estau |  Alemanya
|
| País | {{{país}}} |
| Comunidat autonoma | {{{ccaa}}} |
| Rechión | {{{rechión}}} |
| Coalición de | {{{coalición}}} |
| Afillatura europea | Confederación Europea de Sindicatos a traviés d'a Deutscher Gewerkschaftsbund |
| Afillatura internacional | {{{internacional}}} |
| Partiu politico | {{{partiu}}} |
| Chovenalla | {{{chovenalla}}} |
| Web | |
| Web | Pachina oficial |
IG Metall (en alemán: Industriegewerkschaft Metall, IGM, "Unión Industrial de Treballadors d'p Metal") ye con 2,26 millons d'afiliaus[1] a mayor organización sindical d'Alemanya por debant de Ver.di y tamién a mayor organización de representación de treballadors d'o mundo. Dimpués d'una baixada en as cifras d'afiliaus en as decadas de 1990 y 2000 (en 1990 i heba 2,679 millons d'afiliaus a IG Metall), tornoron a puyar en 2011. Alto u baixo 500.000 d'os suyos afiliaus son pensionistas.[2][3][4]
IG Metall tien a suya seu en o Main Forum de Frankfurt d'o Main y representa a os treballadors d'os sectors metalurchico/electrico, siderurgico, textil/confección, fusta/plastico y d'as tecnolochías d'a información y a comunicación. Os sectors textil/confección y fusta/plastico son representaus por iste sindicato dende 1998 y 2000 respectivament, cuan absorbió a os antigos sindicatos d'istos sectors: Gewerkschaft Textil-Bekleidung (GTB, Sindicato d'o Textil-Confección) y Gewerkschaft Holz und Kunststoff (GHK, Sindicato d'a Fusta y o Plastico).
A mayor sucursal d'IG Metall se troba en Wolfsburg. Contrariament a la tendencia nacional o numero d'afiliaus en a seu central d'o Grupo Volkswagen pasó por primera vegada a cifra d'os 72.000 en zaguerías de 2009[5] os 80.000 afiliaus en 2012,[6] y os 90.000 afiliaus en 2016.[7]
IG Metall fa parti d'a Deutscher Gewerkschaftsbund (DGB, Confederación Alemana de Sindicatos), incluyida en a federación sindical mundial IndustriALL y a suya branca europea IndustriALL Europe, d'a Internacional d'a Construcción y a Fusta (ICF) y a Federación Europea d'os Treballadors d'a Construcción y a Fusta.
Representa prencipalment a os emplegaus d'o sector líder d'a economía alemana, a industria metalurchica y electrica, que ye o sector industrial mas important con 3,64 millons de treballadors y representa alto u baixo o 60% de todas as exportacions d'a economía alemana (2011).
O sindicato se divide en siet districtos: Costa, Baden-Wurtemberg, Bavera, Berlín-Brandemburgo-Saxonia, Centro (d'antis mas districto de Frankfurt; incluyindo os estaus federals de Hesse, Renania-Palatinato, Sarre y Turinchia), Baixa Saxonia-Saxonia-Anhalt y Renania d'o Norte-Westfalia. Istos siet districtos se dividen a la vegada en 148 oficinas rechionals.
Referencias
[editar | modificar o codigo]- ↑ (de) DGB Mitgliederzahlen 2022. DGB, 31 d'aviento de 2022
- ↑ (de) IG Metall: Erstmals seit über zwanzig Jahren Plus bei Mitgliederzahl. Pressemitteilung Nr. 03/2012. IG Metall, 10 de chinero de 2012
- ↑ (de) Zuversichtlich in den Ruhestand – nutze deine Mitgliedervorteile in der IG Metall. igmetall.de. IG Metall
- ↑ (de) IG-Metall-Mitglieder: Huber spricht von „Trendwende“. faz.net. Frankfurter Allgemeine Zeitung, afp, 20 de chinero de 2012
- ↑ (de) IG Metall Wolfsburg hat 72.000 Mitglieder. IG Metall Bezirk Niedersachsen und Sachsen-Anhalt, 2010
- ↑ (de) Das 80.000 Mitglied der IG Metall Wolfsburg ist ein Ingenieur. IG Metall Wolfsburg, 4 de chunio de 2012
- ↑ (de) Volkswagen: Unheimlich mächtig. Claas Tatje. Die Zeit, 2016
Vinclos externos
[editar | modificar o codigo]- (de) Web oficial
