Hell Bent for Leather (cinta)

Iste articlo ye sobre un western estausunidense enguerau en 1960 y dirichiu por George Sherman; ta atros usos, se veiga Hell Bent for Leather

Hell Bent for Leather
Títol	Hell Bent for Leather
Póster d'a cinta.
Ficha tecnica
Dirección	George Sherman
Aduyant de dirección	Phil Bowles
Dirección artistica	Richard H. Riedel
Producción	Gordon Kay
Guión adaptau	Christopher Knopf
Basau en	Outlaw Marshal, novela de Ray Hogan (1959)
Musica	Irving Gertz William Lava
Soniu	Joe Lapis Waldon O. Watson Glenn E. Anderson
Fotografía	Clifford Stine
Montache	Milton Carruth
Escenografía	Russell A. Gausman Julia Heron
Maquillache	Bud Westmore
Peluquería	Larry Germain
Actors	Audie Murphy Felicia Farr Stephen McNally Robert Middleton James Westmoreland Jan Merlin Herbert Rudley Malcolm Atterbury Joseph Ruskin Allan Lane John Qualen Eddie Little Sky Steve Gravers Beau Gentry Bob Steele
Color	Eastmancolor Cinemascope Panavision
Datos y cifras
País(es)	Estaus Unius
Anyo	1960
Debantadera	1 de febrero de 1960 Estaus Unius
Chenero(s)	Cine de western
Durada	82 min.
Idioma(s)	Anglés
Companyías
Productora(s)	Universal Pictures
Distribución	Universal Pictures
Estudio(s)	Universal Studios
Presupuesto	500.000 dólars
Informacions en bases de datos especializadas:

Hell Bent for Leather (títol orichinal en anglés, en aragonés Infierno doblau ta cuero, enguerada en Aragón con o títol en castellano La ley de la inocencia, en aragonés A lei d'a inocencia) ye una cinta de cine estausunidense de cine de western enguerada l'anyo 1960, dirichida por George Sherman seguntes un guión orichinal de Christopher Knopf (basau en a novela Outlaw Marshal, que heba publicau Ray Hogan l'anyo 1959), con una dirección de fotografía de Clifford Stine, una banda sonora orichinal d'Irving Gertz y William Lava y una producción cinematografica de Gordon Kay ta la productora cinematografica Universal Pictures. Conta con un elenco formau por Audie Murphy, Felicia Farr, Stephen McNally, Robert Middleton, James Westmoreland, Jan Merlin, Herbert Rudley, Malcolm Atterbury, Joseph Ruskin, Allan Lane, John Qualen, Eddie Little Sky, Steve Gravers, Beau Gentry y Bob Steele, entre d'atros actors.

Clay Santell ye de viache ta un negocio de compra y venda de caballos, pero troba a un hombre desfailleixiu y cuan lo socorre, iste li roba lo suyo caballo y l'albandona, pero Santell consigue disparar-le y en ferir-lo, lo bandiu pierde lo suyo rifle y fuye con o caballo. Santell plega a piet en o lugar de Sutterville, pero los habitants d'o lugar en veyer lo rifle que leva, lo trafucan con Travers, un perigloso bandiu que ha feito cuentos muertos, incluyindo-ie un matrimonio d'a localidat, y que chustament ye qui l'heba robau a Santell o caballo. Los habitants d'o lugar quereban linchar-lo, pero plega en o lugar un "sheriff" a qui l'entregan, Lo "sheriff", encara que sabe que Santell no ye lo bandiu que busca, ye cansau de perseguir a Travers infructuosament y decide matar a Santell ta fer-lo pasar por Travers y obtener asinas reconoiximiento por haber matau a un perigloso bandiu. Santell consigue fuyir d'o "sheriff" y ta escapar opta por secuestrar a una mesacha ta que no lo delate, y perseguir él a Travers. Poquet a poquet Santell prencipia a recibir l'aduya d'a mesacha, que finalment lo creye cuan li dice que él no ye lo bandiu que buscan.

A cinta s'ambienta en bel momento indeterminau d'a segunda metat d'o sieglo XIX en bel puesto tamién indeterminau de l'ueste d'Estaus Unius, y las suyas escenas se filmoron en Lone Pine en California y en os Universal Studios en Universal City, tamién en California.

Elenco

Actor	Papel	Notas
[[]]	'

Se veiga tamién

• Cine en 1960.
• Cintas de 1960.

Referencias

• Datos: Q2580219