Glaciar de ro Espaldador

Glaciar de ro Espaldador
Glacier de l'Épaule
Punda de ro Espaldador dende Gavarnía
Situación
País	Occitania
Rechión	Occitania
Departamento	Altos Pireneus
Municipio	Gavarnía e Gèdra
Cheografía
Aria protechida	Parque Nacional d'os Pireneus
Cordelera	Pireneu
Macizo	As Tres Serols
Datos
Tipo	Glaciar penchau
Estau	En retacule
Altaria	2.950
Largaria	0,130 km (2020)
Superficie	0,01 km² (2020)
Cimas	Punda de ro Espaldador (3.075 m)
Ríos	Gave de Gavarnía
Mapa

O glaciar de ro Espaldador (en francés glacier de l'Épaule) ye un glaciar d'os Pireneus situau en o macizo d'as Tres Serols, en a versant norte d'a muga entre Aragón y Francia, en o departamento d'os Altos Pireneus y en a rechión d'Occitania.

Cheografía

O glaciar se troba en a cara norte d'a punda de ro Espaldador. D'antis mas yera a sobén confundiu con o suyo vecín situau una mica mas t'abaixo, a l'ueste, o glaciar deth Col dera Chorrèra, hue desapareixiu.

As auguas d'o suyo deschele alimentan a gave de Gavarnía.

Historia

As chicotas morrenas amuestran que i heba un glaciar activo mientres a chicota edat de chelo. Muit amugau en superficie debiu a o terreno crebau a on se i troba, no s'estendillaba mas que por una superficie de 0,02 km² en 1850, con una largaria de 130 metros. O suyo frent ye a una altaria de 2.900 metros.

As observacions de Ludovic Gaurier fan pensar que o glaciar teneba encara una dinamica de movimiento en prencipiar o sieglo XX, encara que ya no'n tien hue lo día. Actualment ye transformau en una chelera, sin movimiento, y a suya superficie gosa estar cada vegada mas cubierta de fragmentos rocosos. En 2020, a suya superficie yera de 0,01 km². Se sitúa entre os 3.020 y os 2.950 metros d'altaria.

Se veiga tamién

• Glaciars d'os Pireneus

Vinclos externos

• (fr) Asociación Pirenenca de Glaciolochía
• (fr) Os glaciars pirenencos

• Datos: Q109037367