Gdańsk

	Gdańsk
	Localidat de Polonia
	; Panorama de Gdańsk
Estau; • Voivodato; • Municipio	Polonia; Pomerania; Urząd Miasta Gdańsk
Superficie	262 km²
Población; • Total; • Densidat	; 462249 hab. (2015); 1.752 hab/km²
Altaria; • Meyana	; 180 m.
Codigo postal	80-008–80-958
Ríos	Vistula y Motlawa
Coordenadas	54°21’ 0’’N18°40’ 0’’E
	Gdańsk Gdańsk en Polonia
	https://www.gdansk.pl/en Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gdańsk (nombre polaco Gdańsk ▶ ⁽ⁱ⁾; en caxubio Gduńsk; en alemán Danzig) ye una ciudat important d'a rechión historica de Pomerania en Polonia septentrional, sobre os ríos Vistula y Motlawa.

Dende 1999, Gdańsk ye a capital d'a Voivodato de Pomerania, y d'antis mas yera a capital d'a Voivodato de Gdańsk. Gdańsk ye a ciudat mas important de l'Gdańsk-Gdynia-Sopot. Tien una población de 464.000 habitants (2004), con un aria metropolitana de 1.180.000 d'habitans (2004).

Toponimia[editar | modificar o codigo]

Bi ha una hipotesi que explica o toponimo kaixubián Gdúnsk como un toponimo amprau por os eslaus d'a ribera baltica a partir d'o toponimo chermanico u gotico Gothiscandza, seguntes Chordanes a primera tierra que habitoron os godos en a suya emigración dende d'Escandinavia y que en a "Grant Cronica d'Espanya" escriben Gotiscanoya^[1].

Historia[editar | modificar o codigo]

En 1308 os caballers teutons prenioron Pomerelia y Gdánsk. En 1466 pasó a mans de Polonia pero con muita autonomía. En 1772 con o primer reparto de Polonia encara quedó en Polonia pero como enclau. En 1793 con o segundo reparto de Polonia pasó a Prusia. Napoleón en 1807 la declaró ciudat libre. Mientres lo periodo napoleonico bi heba una guarnición francesa, que hi permaneixió dica o 13 d'aviento de 1813. Dimpués pasó a Prusia atra vegada, y con a unificación alemana quedó en Alemania. En 1919 o Tractau de Versalles la tornó a fer ciudat libre protechita por a Sociedat de Nacions.^[2] O gubierno de Polonia propocionaba o servicio de correus d'a ciudat libre, reclamada tanto por os nacionalistas polacos como por os nacionalistas alemans en base a un 98 % de población alemana.

O 1 de setiembre de 1939 fue anexionada por o III Reich, pero en marzo de 1945 fue presa por l'Exercito Royo Sovietico, pasando de nuevo a Polonia.^[2] Os alemans, que yeran a mes gran part d'a población u fuyoron de l'abance sovietico u fuoron forachitaus chusto dimpués. Os eslaus autoctonos caixubos fuoron consideraus como polacos pa chustificar l'anexión. En 1980 a ciudat de Gdansk se fació famosa una huelga en as atarazanas organizada por o sindicato Solidarność y Lech Walesa.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu	1990	1994	1998	2002	2006	2010^[3]
Platforma Obywatelska						26
Prawo i Sprawiedliwość						7
Independients						1
Total						34

Alcaldes[editar | modificar o codigo]

Lista d'alcaldes
Lechislatura	Nombre	Partiu politico
1989–1990	Jerzy Pasiński	POUP
1990–1991	Jacek Starościak
1991–1994	Franciszek Jamroż
1994–1998	Tomasz Posadzki	Unión Democrática
1998–2002	Paweł Adamowicz	Plataforma Civica
2002–2006	Paweł Adamowicz	Plataforma Civica
2006–2010	Paweł Adamowicz	Plataforma Civica
2010–2014	Paweł Adamowicz	Plataforma Civica

Esporte[editar | modificar o codigo]

Clubs esportivos[editar | modificar o codigo]

O Lechia Gdańsk ye un club de fútbol que chuga en a primera división polaca de fútbol.

Competicions esportivas[editar | modificar o codigo]

Gdańsk estió una d'as seus d'o EuroBasket 2009, chugando-se hi os partius d'o Grupo B en o suyo pabillón Hala Olivia.

Tamíen estió una d'as seus d'a Eurocopa de fútbol de 2012, chugandose-hi tres partius d'o Grupo C y d'os cuartos de final en o pabillón PGE Arena Gdańsk.