Gasoducto

De Biquipedia
Ir a la navegación Ir a la búsqueda
Un indicador d'inspección de gasoductos, tamién conoixito como pig por o suyo nombre en anglés, perteneixe a lo gasoducto de gas natural de Suiza.

Un gasoducto ye una conducción que sirve ta trasportar gases combustibles a gran escala. Ye muit important a suya función en l'actividat economica actual.

Construcción[editar | editar código]

Un gasoducto en construcción en Alemanya

Consiste en una conducción de canyerías d'acero, por as qualas circula o gas a altas presions, dende o puesto d'orichen. A on ye posible, se construyen sobre a superficie. Manimenos, en arias que son más desembolicatas, urbanas u con flora sensible, s'enterrecan a una fundaria tipica d'1 metro. Si a distancia ye luenga, bi ha estacions de bombeyo intermeyas. O inicio d'o gasoducto puet estar un chacimiento u un puerto de mar a on que arriban barcos (ta o gas natural, se dicen metaners) que trasportan o gas liquato (á muit alta presión). Ta trescruzar un río en o trazato d'un gasoducto se fan servir prencipalment dos tecnicas, a perforación horizontal y a perforación dirichita, con ellas se consigue que tanto a flora como a fauna d'o río e d'a ribera no se veigan afectatas. A construcción de gasoductos en a mar se fa dende barcos especialment disenyatos, que depositan en o leito marín a canyería a partir d'una bobina.

Ta levar o gas dica las casas y comercios, cal disposar de chicotas salitas d'alimentación dica os retes de canyerías aintro d'istas edificacions.

Circulación d'o gas[editar | editar código]

A presión a la que circula o gas por o gasoducto ye normalment de 72 bar en os retes basicos de transporte y 16 bar en os retes de distribución. O cambeyo de presions se fa de forma analoga a los retes electricos (alta tensión/baixa tensión), en iste caso s'emplegan estacions de regulación y mesura, por meyo d'uns reguladors de presión de membrana se regula la presión de salita que s'amenista.

Gasoductos en Aragón[editar | editar código]

Os gasoductos que suministran gas a la Peninsula Iberica dentran dende Francia por o País Vasco y o Pireneu navarro, baixando por a Val de l'Ebro dica Calagorra, Zaragoza, Barcelona y Valencia. O prencipal eixe en Aragón ye a Val de l'Ebro, d'on que salen brancas, entre as que destacan o gasoducto Zaragoza-Sarrablo (138.6 km, que fa servir os antigos chacimientos de Sarrablo como almadazen) y o gasoducto que va enta la central termica d'Andorra, Alcorisa y Alcanyiz. A Plana de Uesca tien atra branca d'o gasoducto Zaragoza-Sarrablo, que salen dende Uesca y plega dica Monzón y Tamarit, pasando por Balbastro.