Fosal de Waverley

De Biquipedia
Ir a la navegación Ir a la búsqueda
Fosal de Waverley

O fosal de Waverley ye un fosal situau en o cobalto d'as penyas de Bronte en os vicos orientals de Sydney, Nueva Galas d'o Sud, Australia. S'engueró en 1877 y ye famoso por os suyos molimentos victorianos y eduardianos. Ye a sobén citau como uno d'os fosals mas polius d'o mundo. O fosal contiene sepolturas de muitos australianos famosos incluyindo a o poeta Henry Lawson. Os funerals se celebran de lunes a sabado.

O fosal ye privau, financiando-se con o dinero reculliu por os enterrecos – incluyindo funerals, cremacions, memorials y mausoleus – d'os que bi ha mas de 86.000. O fosal de Waverley fue emplegau en 1979 ta grabar a cinta de Mel Gibson Tim.

Historia[editar | editar código]

O menester de construyir un fosal en a zona de Waverley ya fue discutiu en primerías de 1863. En l'anyo 1866, una delegación de representats fue ninviada a vesitar a o Menistro d'as Tierras ta charrar sobre a propuesta. En 1868, o Concello de Waverley comunicaba a os chestors d'o fosal que "no gastaría diners en o prochecto", dando o gubierno una subvención de £1200. En os anyos 1870 o gubierno de Nueva Galas d'o Sud mercó un terreno inicial de quatre hectarias, que cedioron a o Concello de Waverley ta a construcción d'o fosal. Dimpués bells ciudadans d'o vico cedioron cinco hectarias adicionals de terreno adyacent a o fosal.[1]

O primer enterreco se fació o 4 d'agosto de 1877. En 1892 s'establió o pago d'una cuota ta o mantenimiento d'o fosal en tiempos d'ingresos insuficients.[1] En 1894 o fosal heba creixiu dica a suya grandaria actual de quaranta y un acres rodiau por as carreras de Trafalgar, Boundary y St Thomas.

Referencias[editar | editar código]

  1. 1,0 1,1 (en) Waverley Cemetery. Heritage Branch, NSW Department of Planning