Forca

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Dos forcas, una moderna con pugas de fierro y l'altra de tot fusta.

A forca[1][2] (d'o latín < FURCA[3]) ye una ferramienta agricola consistent en un tozuel de fierro, acero u cualsiquier altro metal entrascato en o cabo d'un astil de fusta, en o cual se troba tres, cuatre u talment dica cinco pugas bien punchudas, largas y estreitas, que permiten punchar hierba, palla, alfalz u cualsiquier altro producto vechetal de cualidaz parellanas.

Entre la trilla, as forcas s'emplegaban ta aventar a pallata. Esto ye, ta alzar a garba de tierra d'a era y deixar-la tornar a cayer suelta, permitindo asinas que en correr l'aire (ya se miraba que estás en ixe momento) se replegás a palla leixos d'o grano, o cual cayeba en o mesmo puesto per a suya densidat muto mes gran.

A forma mes tipica ta las forcas antigas ye entierament de fusta, sin garra tozuel d'as actuals. As pugas d'ixas ferramientas yeran a sobén formas naturals d'a rama a partir d'a cual s'heba feto l'instrumento.

Referencias[editar | modificar o codigo]

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.30
  2. (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.24
  3. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602

Vinclos externos[editar | modificar o codigo]