Festival Pirineos Sur

De Biquipedia
Ir a la navegación Ir a la búsqueda
Festival Internacional d'as Culturas Pirineos Sur
Scenario flotant d'o Pirineos Sur
Scenario flotant d'o Pirineos Sur
Información cheneral
Localización Lanuza (Uesca)
Calendata D'o 9 a lo 26 de chulio (2009)
Encluye Tallers, Mercato d'o Mundo, Pasavilla, ecetra.
Organizador Deputación Provincial de Uesca
Pachina web http://www.pirineos-sur.es

Pirineos Sur ye un festival musical y cultural que se organiza anyalment en a localidat de Lanuza, en Uesca. Mientres as dos semanas se realizan diferents conciertos asinas como exposicions, tallers, mercatos y pasavilla.

Situación[editar | editar código]

O Festival se troba en a localidat tensina de Lanuza, a poquetz kilometros de Sallent de Galligo. O scenario flotant ye situato en o entibo de Lanuza y as gradas se troban en a ladera d'a montanya. Tot o enclau ye rodiato por Os Pireneus lo que fa que sía muit polito.

O Festival[editar | editar código]

O prencipal obchectivo d'o Festival ye creyar vinclos de toleracia y comprensión entre as diferents culturas. D'a mesma traza, ye un gran atractivo toristico ta la zona. L'afluencia anyal gosa variar, en 2007 s'amanoron a lo festival más de 50.000 presonas a lo largo d'as más de dos semanas de durada que'n tien.

Os estilos musicals varían dende flamenco, hip hop, salsa u folk dica percusión africana, reggae y jazz. Por o scenario han pasato artistas importants internacionalment como Carlinhos Brown, Compay Segundo, Orishas y Alpha Blondy. Igual de important ye l'afluencia d'artista de tot o estato espanyol: Antonio Carmona, José Mercé, Carmen París, Ojos de Brujo, Macaco u Paco de Lucía.

Actividatz Paralelas[editar | editar código]

Mercato en Sallent

En Sallent de Galligo, localidat vecina y capital d'o municipio, se fan totz os días una serie de actividatz paralelas a los conciertos. Mientres tot o festival se fa o Mercato d'o Mundo, una serie de botigas a on que se puede fer una gambada. Se i pueden trobar tot tipo d'articlos de caracter etnico. Son muit populars os vestitos sudamericans y tamién os diferents obchectos decorativos y feguras africanas. Tamién bi ha quantos puestos con tabiernas a on que se puede minchar comida local y d'atros puestos d'o mundo. A diario se fan diversos tallers en as carreras, entre os que se troban dende danzas tribals dica acrobacias aerias. O pasavilla anima as carreras de Sallent con diferents espectaclos funambulescos y chicotz teatros. Ta os más chicorrons se i fan actividatz especials que encluyen teatros, cuentacuentos y chuegos infantils.

Edicions[editar | editar código]

Chóvens chunto a lo entibo en o Pirineos Sur
  • 1994: Africa Negra
  • 1995: O Mediterranio
  • 1996: O Caribe
  • 1997: A Lusofonía
  • 1998: Cuba. A isla d'a musica
  • 1999: A musica d'o Islam. As mil y una musicas
  • 2000: O meridiano zero. En a linia
  • 2001: Dezaga d'as trazas d'a musica negra
  • 2002: Especial Rom2003: America Latina
  • 2003: Os ritmos cruzatos d'America Latina
  • 2004: As musicas d'o Sahel: O blues d'a muga
  • 2005: En as muga d'America d'o Norte
  • 2006: 15 anyos de Pireneus Sur
  • 2007: Quan o río sona
  • 2008: Africa Urbis
  • 2009: Atlantico Negro
  • 2010: Bicentenario Independencias Latinoámerica
  • 2011: Tribus Ibericas
  • 2012: En busca d'o sud
  • 2013: Metropolis
  • 2014: Femenín Plural
  • 2015: Mugas, ¿mezcla o barreta?
  • 2016: África Futura
  • 2017: Amaneixer Latín

Pireneus Sur 2008[editar | editar código]

O festival baixo lo tetulo "África Urbis" se realizó d'o 10 a lo 26 de chulio.

Beluns d'os artistas convidatos estioron: Peret, Smod, Amadou & Mariam, Tony Allen, Maghrebika, Djamel Laroussi, Bidinte, Bigg, Idir, Alpha Blondy, Johnny Clegg, Cheikha Rabia, Ex-Centric Sound System, Konono Nº 1 entre atros.

Vinclos externos[editar | editar código]