Ferragudo

De Biquipedia
Ir a la navegación Ir a la búsqueda
Este articlo tracta sobre Ferragudo, casal de l'Alto Palancia. Pa atros emplegos de lo toponimo Ferragudo, veyer Ferragudo (desambigación).
Ferragudo
Municipio d'Espanya
Entidat
 • Estato
 • Provincia
 • Comarca
 • Municipio
Municipio
Flag of Spain.svg Espanya
Castellón
Alto Palancia
Vivel (Castellón)
Codigo postal 12460

Ferragudo (Herragudo u Ragudo en castellán) ye un casal de lo termin municipal de Vivel, en la comarca de l'Alto Palancia y en la provincia de Castellón.

Toponimia[editar | editar código]

S'interpreta que este toponimo se remonta a lo nombre d'un propietario a qui Chaime I adchudicó unas tierras en lo Repartiment:

Michael Ferragut, domus et ortum
F. Diez, III jovatas, quarum due jovate et media contiguantur orto de Ferragut et est in computo ipsarum jovatarum, et media jovata affrontant in via Sogorbii et oris ville

Como toponimo Ferragut evolucionó a Ferragudo, que encara se documenta en una mención de lo sieglo XVI, quan se produció una castellanización fonetica: en un documento de 1532 ye escrito partida de Ferragudo el Viejo y huerta de Herragudo el Viejo[1]. En la compilación de fueros que se fació en lo Reino de Valencia en 1635 tamién escriben Herragudo en un texto escrito en catalán:

Lo pla de Lyria, Sogorb, Sot, Soneja, Castellnou, valls de Almonazir, Almedijar, Altura, Xerica, y Viuel, Caudiel, y Naualijes, Benafer, Castellmontant, Montanejos, Herragudo, Bexix, Toraz, y Tereza, lo Toro, y Barraques,...[2]

Francisco del Vayo replega Herragudo[3] y «Casas de Herragudo»[4] Madoz parla d'un casal con seis casas y un mont dito Herragudo en Vivel.

Rosa Gómez Casañ replega en l'Alto Palancia las demoninacions tradicionals de Ragudo y Erragudo entre la chent mes viella, y El Ragudo/El Rabudo y Rabudo entre la chent menor de 65 anyadas.

Bi ha uns quantos microtoponimos que se relacionan con Ferragudo, beluns d'ells con una introducción de l'articlo determinau El que Rosa Gómez Casañ considera modificacions recients causadas por la rotulación oficial en la carretera como Las Cuestas de El Ragudo en un puesto dito Cuesta de Ragudo en la edición de lo mapa militar de 1978.

En las diferents edicions de lo mapa militar bi ha uns quantos microtoponimos relacionaus con este casal. En la edición de 1951 trobamos: «Llanos del Ragudo», un vértiz cheodesico de tercer orden «Ragudo», «Torre de Ragudo»,«Camino Barrranco de la Moza a Ragudo» y «Barranco de Ragudo».[5] En la edición de 1982 trobamos «Masía del Ragudo», «Cuestas del Ragudo», «Torre del Ragudo», «Fuente del Ragudo» y «Barranco del Ragudo» y por lo contrario «Cerro de Torre de Ragudo»

Manimenos Natividad Nebot Calpe replega los microtoponimos con articlo determinau El Ragudo, La Rocha'l Ragudo, Los Llanos el Ragudo y los Altos el Ragudo, que l'anterior autora considera modificacions recients.

Cheografía[editar | editar código]

Ferragudo ye en lo norte de lo termin municipal de Vivel mugando con lo termin municipal de Barracas. En lo cabo norte de Las Casas del Ragudo enta l'antiga estación de las Masadas Blancas se troba a 800 m d'altaria la Fuent de Ferragudo (Fuente Herragudo en castellán churro). Esta fuent desaugua en la Balsa del Herragudo, que a traviés de dos cequias (cequia del Ragudo y cequia d'el Campanar), ye l'orichen d'un sistema de reganos tradicionals en las partidas de lo norte de l'actual termin municipal de Vivel: Ferragudo, El Campanar, Las Quinchas, El Rodeno y Zalón.

Molimentos civils[editar | editar código]

Referencias[editar | editar código]

  1. A. C. S., sig. VI-44, 3 (Protocolo de Juan Castillo), doc. del 16 d'agosto de 1532, Exerica.
  2. (ca) Furs, capitols, provisions, e actes de cort: fets y atorgats per la S. C. R. M. del Rey Don. Phelipe. Editor Marcal, 1635. p 105.
  3. (es) Rosa Gómez Casañ: La "Historia de Xérica" de Francisco del Vayo. Edición y estudio, Segorbe, Caja de Ahorros y Monte de Piedad de Segorbe, 1986, pp. 118, 178 y 265.
  4. (es) Rosa Gómez Casañ: La "Historia de Xérica" de Francisco del Vayo. Edición y estudio, Segorbe, Caja de Ahorros y Monte de Piedad de Segorbe, 1986, p. 499.
  5. Mapa 639. Jérica. Edición Militar, Madrit, Dirección General del Instituto Geográfico y Catastral, 1951, escala 1:50.000.

Bibliografía[editar | editar código]

  • Martín Peña Ortiz, Ángel González Ferrairó: Los sistemas de regadío tradicional de manantial y fuente, publicau en lo libro Los Paisajes de Regadío en el Alto Palancia. Publicacions de la Universitat de València; Edición: 1 (2008).[1]


Lugars d'o municipio de Vivel
Ferragudo | Vivel