Fernando Arcega Aperte

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Fernado Arcega
Información personal
Naixencia	30 de setiembre de 1960 Zaragoza, (Aragón)
Esporte	Baloncesto
Chuegos olimpicos
Archent	Los Angeles 1984	Baloncesto
Campionato d'Europa de Baloncesto
Archent	Francia 1983	Baloncesto
Bronze	Italia 1991	Baloncesto

Fernando Arcega Aperte (Zaragoza, 30 de setiembre de 1960) ye un chugador de baloncesto aragonés actualment retirato. Chugó en os equipos de baloncesto d'o CN Helios y o Club Basquet Zaragoza. Estió internacional con a selección espanyola de baloncesto partecipando en dos Chuegos Olimpicos aconsiguiendo una medalla d'archent en os Chuegos Olimpicos de Los Angeles 1984 y un diploma olimpico con o quatreno puesto en Seúl 1988, a mas a mas de dos medallas en o Campionato d'Europa de Baloncesto, una d'archent en Francia 1983 y atra de bronze en Italia 1991.

En l'anyo 1999 estió esleyito concejal en Zaragoza por o PAR, dixando o cargo ta estar Director Cheneral d'Esportes d'a Deputación Cheneral d'Aragón dende 1999 dica 2003.

Antiparte, ye chermano d'os tamién chugadors de baloncesto José Ángel Arcega Aperte y Joaquín Arcega Aperte y tio de JJ Arcega-Whiteside chugador de fútbol americano en a NFL estausunidense.

Trachectoria esportiva

• 1976/79: C.N. Helios (categorías inferiors), Espanya.
• 1979/81: C.N. Helios, Espanya.
• 1981/95: CB Zaragoza, Espanya.

Palmarés

Clubes

• 1983: Copa d'o Rei (CAI Zaragoza).
• 1989: Copa d'o Rei (CAI Zaragoza).

Selección d'Espanya

• 1978: Medalla d'archent en o Europeo Junior.
• 1983: Medalla d'archent en o EuroBasket de Francia.
• 1984: Medalla d'archent en os Chuegos Olimpicos.
• 1991: Medalla de bronce en o EuroBasket d'Italia.

Vinclos externos

• (es) Fernando Arcega Aperte en a Gran Enciclopedia Aragonesa.
• (es) Perfil esportivo de Fernando Arcega en a pachina web d'a liga ACB.