Faixa de Basarán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre a Faixa de Basarán, parache en a valle d'Otal de Buixaruelo. Ta atros emplegos de Basarán se veiga Basarán (desambigación).

Tendennera

Faixa de Basarán

A Faixa de Basarán (a sobén, en as publicacions en castellano, transcrita sin a preposición «de» que en l'aragonés d'a redolada no se gosa pronunciar) ye o toponimo con o cual se designa una partida d'estivas con gran desnivel en a valle d'Otal (subsidiaria de a de Buixaruelo) que da acceso ta o puerto que comunica la dita valle d'Otal con a vecina valle d'Ordiso, en o espacio natural protechito d'a Reserva d'a Biosfera d'Ordesa-Vinyamala.

A Faixa de Basarán se troba en a man solana d'a valle, entre os puntons d'Asneriello (dos puntas menors, de 2238 y 2239 msnm respectivament, chirmanas con a punta d'Ordiso) y as espaldas d'o macizo d'a Tendennera. Anque a partida se troba en gran desnivel, ye conoixida actualment mas que mas porque i esnaviesa o sender que permite puyar tanto t'a punta Tendennera y cuello Tendennera como ta l'ibón d'Ordiso dende o cubilar de Buixaruelo, lo que la fa estar una ruta muit emplegada por os montanyistas.

O nombre dimana d'o lugar de Basarán, en o Sobrepuerto, a bels 20 km d'astí, pus a faixa yera la partida de montanya que teneban reservata os ganatos d'ixe lugar ta paixentar-se en os meses de buen tiempo (cuan encara o nuclio yera habitato). A valle d'Otal yera manimenos un parache reservau, entera, ta la pastura estival d'os rabanyos de Sobrepuerto, y o nombre le i viene d'a cabecera antiga d'a valle a on que se troba Basarán: Otal.

Se veiga tamién

• Basarán.
• Valle d'Otal (Sobrepuerto).
• Reserva d'a Biosfera d'Ordesa-Vinyamala.

• Datos: Q25619923