Estafermo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
.jpg)
Un estafermo (de l'italiano <stà fermo,[1] «ye quedo» u «ye tieso») ye una figura con forma d'hombre que s'emplegaba en a Edat Meya pa practicar y entrenar a destreza en a luita de caballería.
O monyaco s'entallaba sobre un astil de fusta que teneba un chugadero de currón en a base, y s'aprestaba con un escudo u cosa semellant en un costau y un mallo, cadena u saquet d'arena en l'atro brazo, de manera que cuan o caballero le foteba por un costau se chiraba a-escape, con que o chinete tamién teneba que esquivar o golpe que l'invento le podeba propinar en tornas y que no lo estalapizase.
En a cultura popular
[editar | modificar o codigo]Anque ya no s'emplega estafermos en o sentiu orichinal, a palabra ha quedau en o vocabulario colectivo pa designar a una persona insubstancial,[2] lela,[3] inútil[4][5][6] u que nomás fa o que se le ordena.[3][5][6]
Tamién puede aplicar-se a una persona que ye parada[6] en una situación en a que no s'espera ixo:
En a fiesta de la «Mojiganga» de Graus, «l'Estafermo» ye como se le deciba a o «muyenco» u monyaco que, amontau en burro, se feba paseyar por a villa.[4] Ye un d'os personaches clasicos d'ixa fiesta grausina, en chunto con «el Furtaperas», a qui se pende d'un palo (tocho) en a Casa de la Villa.
Referencias
[editar | modificar o codigo]- ↑ (es) Voz «estafermo» en o DRAE; consultau o 26 de marzo de 2019.
- ↑ (es) MONEVA y PUYOL, Juan, Vocabulario de Aragón; Xordica Editorial + Prensas Universitarias de Zaragoza. Zaragoza, 2004. ISBN 84-88920-97-0
- ↑ 3,0 3,1 (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. ISBN 978-84-8094-058-0
- ↑ 4,0 4,1 (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6
- ↑ 5,0 5,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
- ↑ 6,0 6,1 6,2 6,3 (es) CORONAS CABRERO, Mariano, Vocabulario aragonés de Labuerda-A Buerda (Sobrarbe); Xordica Editorial + Prensas Universitarias de Zaragoza. Zaragoza, 2007. ISBN 978-84-96457-23-2
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre estafermos.
