Lens culinaris

Este articlo trata sobre a lentilla que ye un legumbre. Ta la lent oftalmica se beiga Lent de contauto.

Lentella, Lentilla
Lens culinaris
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fabales Familia: Fabaceae Chenero: 'Lens' Especie: ''L. culinaris''
Nomenclatura binominal
Lens culinaris
L., 1758

A lentilla u lentella ye la simient d'a lentellera u lentillera (Lens culinaris (L., 1758)), una planta erbazia en a familia d'as Fabaceae caultibata ta l'alimentazión. A lentellera fa dica 40 cm d'altaria, con brancas feblas, con fuellas compuestas que s'ixarramican alternando-se per cada costato d'o trallo zentral. Os foliols son oblongatos e la fuella tiene un farfiello terminal que se gosa trobar en forma bestichial. As flors son blancas con nerbadura color brioleta, unicas (no en carrazos, como en altras espezies) e fa las simients per parellas en una tabelleta (vaina) bofa de bolumen.

As lentilleras, como tamién pasa con altras fabázias de mata chiqueta como os garbanzos u l'alfalz (e á diferenzia d'as espezies más grans, como chodigueras e bisalteras), son un caultibo de secano. Per ixo han gosato tener tanta importanzia en os puestos á on no b'esisten guaires reganos.

Lentellas cuetas.

A simient, a lentella u lentilla, tiene forma arronchadeta, chiqueta (no más d'1 cm de diametro) e aplanada sobre lo suyo diametro, fendo la forma d'una lent bicombexa (d'o latín lens, deminutibo lenticŭla) e ye d'ixo que demana lo nombre.

Se beiga tamién

• Legumbre
• Secano
• Regano
• Forqueta
• Fabaceae

Altras espezies relazionatas

• Chodiga
• Bisalto
• Guixón (simient d'a guixa)
• Garbanzo u arbanche
• Soya
• Alfalz
• Faba

Enrastres esternos

• Wikispecies tiene un articlo sobre Lens culinaris.
• Se veigan as imáchens de Commons sobre lentellas e lentilleras.