Vallanca

Vallanca ye un municipio de la provincia de Valencia, situato en l'enclau de lo Rincón d'Ademuz, entre Aragón y Castiella-La Mancha. La suya población ye de 149 habitants (2015), en una superficie de 56,6 km² con una densidat de población de 2,76 hab/km².

Toponimia

Amán de Vallanca se troba lo microtoponimo Vallonguillo, que se troba en textos castellans relacionaus con Moya como Vallonguillo, encara que referiu a una zona mes ampla, y que puet representar una forma diminutiva respecto a un toponimo menor (como Santolarieta respecto a Santolaria), u un nuclio habitau prou chicot como La Iglesuela. Lo toponimo Vallanca podría derivar de lo latín VALLE LONGA ("Val Luenga"), en linia con la Valluenga (Tarazona y Moncayo), con Valonga (en lo termin de Belver d'a Cinca), y ciertos toponimos con lo elemento Vallonga en Catalunya y Valencia.

Cheografía

Vallanca ye a 973 m d'altaria en la versant sud d'un cabezo. A piet d'ixe cabezo ye lo río Boílgues, que baixa dende la partida de La Bega, a 2 km a lo sud y a on que ye lo suyo naixedero. En lo termin municipal de Vallanca se troba l'aldeya de Negrón.

Historia

Vallanca ya existiba en lo sieglo XIII. La ilesia de Vallanca fue adchudicada de pa cutio a la Diocesi de Segorb-Albarrazín en 1232 por mandato de Gregorio IX.

et quod canonici habeant tan in ecclesiis villae quam aldearum tertiam partem decimarum pecorum et alias duas partes habaet episcopus, de ecclesiis post ordinationem praedictam noviter adquisitis, videlicet, de Tormon, Corvo, Castiel, Ademuz, Vallanca et Sancta Cruz et de ecclesiis in posterum dante Domino adquirendis vel noviter populandis, sic providimus, ut canonici tertiam partem decimarum pontificalium percipiant integre et alias duas partes cedant in usus episcopi memorati. Ecclesian vero de Huelamos ad usus mensae episcopi adjudicamus.

Lugars de lo municipio de Vallanca
Negrón | Vallanca