Recolón (meandro)

Un recolón.

Un recolón u racolón (de recolón) ye un meandro muit pronunciau en un río, freqüentment con una espuenda u petrosas en o vertice exterior d'a curva.

O termin procede de o vocabulario d'os navateros. En as navatas, os recolons gosaban estar puestos de paso delicau, pus a corrient i empucha os cuerpos flotants contra la penya y no yera raro que se i producise accidents.

En o Sobrarbe ye una parola con firme presencia en a toponimia. Existe o «recolón de Boyars» en a val de l'Ara, que tradicionalment s'ha sinyalau como a muga d'entre o segmento que se conoix como val de Broto y o que se conoix como Ribera de Fiscal, o «recolón de Pallaruelo» en a val d'a Cinca, d'entre la Infortunada y a Espunya, etc.

Os meandros que rodeyan las parts viellas d'Albarrazín y Toledo son recolons celebres.

Se veiga tamién

• Auguas tuertas.
• Galacho.
• Mechana.