Auguatuerta

Iste articlo ye sobre un termin toponimico chenerico. Se veiga Aguatuerta ta o toponimo d'o municipio de Ansó, cerca d'a Val d'Echo, en a cabecera d'o rio Aragón Subordan.

Una auguatuerta^[1]^{[nota 1]} ye que una zona de praus d'alta montanya a on que un río, de regular en o suyo curso alto, traza meandres pronunciaus en a estiva.^[2]

A expresión dimana clarament d'a forma d'os meandres ("tuerto" ye o participio d'o verbo torcer), estando un microtoponimo común.^[2]

Se troba toponimos d'«auguastuertas» en o macizo d'a Tendennera y en a val de Buixaruelo, en l'alta val de Broto,^[2] y en a val de Viadors, a on que naix a Cinqueta (alta Chistau), en Sobrarbe. En a Chacetania i ha una zona prou conoixida que se diz «aguatuerta» adintro d'o Parque Natural d'as Vals Occidentals, en o termin municipal de Ansó. En Ribagorza, i ha toponimos como «aiguastortas» en a val d'Estós y en Benás. Ya en Catalunya, y a dintro d'o dominio lingüistico d'o catalán, ye o Parque Nacional d'Aigüestortes y o Estany de Sant Maurici.

L'auguatuerta d'Ansó, millor dito "aguatuerta" (antis mas se clamaba «abatuerta») se situa en un puesto a on bi heba un ibón se que plenó de sedimentos^[3] orichinando una topografía muit plana que fa que o río haiga de circular fendo tornallos.

Referencias

↑ (an) Chesús Casaus Parrilla, Pascual Miguel Ballestín: Dizionario Aragonés de Terminos Cheograficos. Ainas. Gara d'Edizions. ISBN 978-84-8094-059-7
↑ ^2,0 ^2,1 ^2,2 (es) ALLUÉ NAVARRO, Mª Isabel y FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9
↑ (es) Fernando Biarge, José María García Ruiz, Ana Biarge: Roca viva. El modelado del paisaje pirenaico. Diputación de Huesca, 2001.

Notas

↑ Con as variants aguatuerta en aragonés occidental y auguatuarta en aragonés central. En aragonés ribagorzano, que por cuentas d'«augua» u «agua» dicen «aigua», se conoix con a forma equivalent aiguatuerta y aiguatorta en a zona de tendencia no diptongadera de a val de Benás).

Se veiga tamién

Auguaspotras.
Meandre.

Datos: Q13048449

[Cheografico-1] (an) Chesús Casaus Parrilla, Pascual Miguel Ballestín: Dizionario Aragonés de Terminos Cheograficos. Ainas. Gara d'Edizions. ISBN 978-84-8094-059-7

[TopBroto-3] 2,0 ^2,1 ^2,2 (es) ALLUÉ NAVARRO, Mª Isabel y FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9

[4] (es) Fernando Biarge, José María García Ruiz, Ana Biarge: Roca viva. El modelado del paisaje pirenaico. Diputación de Huesca, 2001.

[2] Con as variants aguatuerta en aragonés occidental y auguatuarta en aragonés central. En aragonés ribagorzano, que por cuentas d'«augua» u «agua» dicen «aigua», se conoix con a forma equivalent aiguatuerta y aiguatorta en a zona de tendencia no diptongadera de a val de Benás).

[1]

[nota 1]

[2]

[3]