Diferencia entre revisiones de «Buteo buteo»
m r2.7.1) (Robot Adhibito: ja:ヨーロッパノスリ |
m r2.6.4) (Robot Adhibito: et:Hiireviu |
||
Linia 62: | Linia 62: | ||
[[en:Common Buzzard]] |
[[en:Common Buzzard]] |
||
[[es:Buteo buteo]] |
[[es:Buteo buteo]] |
||
[[et:Hiireviu]] |
|||
[[eu:Zapelatz arrunt]] |
[[eu:Zapelatz arrunt]] |
||
[[fa:سارگپه]] |
[[fa:سارگپه]] |
Versión d'o 12:33 25 abr 2011
Esparvero común | ||||||||||||||||
Exemplar adulto d'esparvero común (Buteo buteo) | ||||||||||||||||
| ||||||||||||||||
| ||||||||||||||||
Buteo buteo | ||||||||||||||||
Linnaeus, 1758 | ||||||||||||||||
Verde claro: Estíu. Verde fosco: Tot l'anyo. Azul: Hibierno. |
O esparver/o comun (Buteo buteo (L., 1758)), tamién dito localment falcón ratonero u falcón d'os postes (anque no ye un verdader falcón), ye un ave de presa d'a familia Accipitridae de mida meyana (51–57 cm de lonchitut, y 110–130 cm d'amplaria d'alas) que habita por tot una ampla marguin de territorios d'Europa occidental dica Asia. Ye la especie tipo d'o suyo chenero, Buteo, a demás d'estar una d'as aves rapinyaderas más frequents d'Europa.
As zonas en do se troben fincas obiertas gosan ser un buen hábitat ta ista especie, encara que s'estima más os puestos d'os quals se troben arbolaus u corroldos d'árbols prou a man. Tiene predilección por a nidificación a l'alto d'árbols que faigan parte d'una selva u bosquillón menimo, y no pas por os árbols anisolatos como sí que la i tienen as grans rapaces. Ye un ave cazadera d'animals chicotz, como chordes, langardachos, paixaros y altros vertebraus, anque de tanto en tanto se'n i puede veyer fendo mincha d'os carnuzos albandonaus.
Ista especie tiene una variación de colors muit más ampla que no altras especies de rapinyaderas, y por ixo a sobén s'entivoca con os caracters de bellas altras especies d'aves d'a familia como l'azor (Accipiter gentilis) u o esparvero calzau (Buteo lagopus). Por un regular, a o uello d'un inexperto, a millor manera de saber que se tracta d'iste animal quan se'n vei un ye por a color d'a suya cara, más fosca que no en l'azor, y con a francha fosca d'á redol d'os uellos más difusa en a color cheneral d'a cara que no en altras aus de presa. En volido, a coda arrondolada fa que sigan clarament diferenciables d'os suyos parients os alforochos d'o chenero Milvus.
O reclamo ye caracteristico, y se pareix á'l miular d'os gatos domesticos.
Imáchens
-
Volido dende debaixo. Se veigan as marcas claras de debaixo d'as alas que son caracteristicas.
-
Exemplar de pigmentación fosca
-
Exemplar de pigmentación más clareta
-
Polletz
-
En tierra
Enrastres externos
- Wikispecies tiene un articlo sobre Buteo buteo.
- Se veigan as imáchens de Commons sobre o esparvero común.