Drac (mitolochía pirenenca)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O drac ye un ser fantastico present dende o Rosellón dica a Bigorra que vive en as marguins d'as corrients d'augua rodeyato d'uns companyers ditos draquets. Este chenio tien dos caras: travieso y bromista u rebordenco y perigloso.

A versión traviesa d'a suya personalidat se conoixe en a val alta de l'Aude y en as Corberas: talla o sedal d'o pescataire, fa pasar a lo pastor que mira un vado por una gorga u furta pastels en as cocinas on han deixato a finestra ubierta.

A versión rebordenca, diabolica ye conoixita en Ariège, Comencha y Bigorra y prene a forma de somero. Vive a man d'os torrents. Qui lo monta vei como o drac s'alarga y recibe cinco u seis ninos sobre a lomera, pero pronto se desboca y leva a los chinetz a lo torrent a on los afogará a no uno d'ellos emboque a Dios u los santos con o sinyal d'a cruz. En a Val de Salat, en Gajan (Ariège), el Trou de l'Ane indica uno d'os puestos preferitos d'o Drac. En Bigorra o Drac apareixe con a farcha de lo somero royo.