Comenche
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Comenche Comenge Comminges | ||
| Comarca d'Occitania | ||
| ||
| Capital | Sent Gaudenç | |
| Entidat •País •Departamento |
Comarca OccitaniaAlta Garona | |
 En o ducau de Gascunya | ||
O Comenche (Comenge en grafía medieval y en gascón; Comminges en francés) ye un territorio de l'Alta Gascunya, en o sudueste d'a Republica francesa. Ye un d'os territorios que mugan con l'Alto Aragón.
En l'actualidat, o Comenche ye troixiato puliticament y administrativament entre os departamentos de Gers, l'Alta Garona y Arièja. Historicament, puet parlar-se de dos Comenches:
- un Comenche gascón u Alto Comenche, més t'o sur, entre a Bigorra y o Coserán, que tien per lugar principal Sent Bertran de Comenges;
- un Comenche lenguadocián, dito Baixo Comenche u Comenche chicot, en o nord-este, entre o Comenche gascón, o Coserán, o condau de Foix y l'Alto Lenguadoc.
O Comenche ye formato per paises que tienen como eixe as altas vals d'a Garona y o suyo afluent, o Pica. D'entre éls, o país de Luixón, que achunta o Comenche con a Vall de Benás per o pirinenco Portillón de Benás.
En a Novempopulania romana, provincia que ixe nombre teneba per os nueu pueblos que i viviban, o Comenche estió dito Convenae, y tenió como capital o puesto galorromano de Lugdunum Convenarum, amanato ta l'actual Sent Bertran de Comenges.
Conquiesto per os visigodos, o Comenche pasó de fer parte d'o ducau d'Aquitania a estar un condau medieval.
Den de 1498 ent'a Revolución francesa, encara que os descendients d'a filla d'o zaguer conte continoron dicindo-sen contes de Comenche, o condau ya no existiba y o Comenche feba ya parte d'a Corona francesa.