Vado

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un vado.

Un vado (d'o latín < vadu)^[1] ye un punto en do que lo cauz d'un río u barranco se fa prou raso como ta que se i pueda trascruzar a piet, en animal u en bell vehiclo terrestre, sin de que l'augua aduba prou altaria como pa causar un problema. Os vados se suelen emplegar como alternativa a os puents como puesto en do dar-le continuidat a os camins quan istos se troban con un corso d'augua.

En bella variant cheografica de l'aragonés que per se tiene tendencia a contener más consonants oclusivas xordas intervocalicas tamién se reconoix a forma vato, anque en iste caso, a la contra de como pasa con a mayoría de casos d'iste tipo de consonants, no se tracta d'una conservación d'a prenunciación consonantica orichinal d'o latín (no i existe a forma «vatus») sino que s'ha d'explicar por un fenomeno d'incorporación d'o son oclusivo xordo en una parola que en orichen no el levaba, por o costumbre fonetico d'a fabla popular (hiperdialectalismo) por analochía con atras parablas en que sí que pasa. Isto ocurre en tensino, lo solo dialecto aragonés en do se i ha puesto documentar ista forma excepcional.