Domingo Catalán
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Domingo Catalán | ||
|---|---|---|
 Domingo Catalán mientres una cursa de montaya en 2017. | ||
| Información personal | ||
| Naixencia | 1948 Novals, Uesca, (Aragón)
| |
| Esporte | Atletismo | |
| Campionato d'o mundo de 100 km en rota | ||
| Oro | Niza 1987 | 100 km rota |
| Oro | 1988 | 100 km rota |
| Archent | 1992 | 100 km rota |
Domingo Martín Catalán Lera, conoixito esportivament como Domingo Catalán, naixito de Novals, Uesca o 4 d'agosto de 1948. Ye un atleta y empresario aragonés anque dende nino vivió en Barcelona a on ha feito a suya trachectoria esportiva y de negocios.
En os suyos millors anyos estió considerato como o millor corredor d'o mundo de 100 km.[1] Entre as suyas victorias atleticas cal destacar dos Campionatos d'o Mundo de 100 km en rota (1987 y 1988) y una vegata segón (1992), 6 vegatas campión d'Espanya de 100 km en rota (1985,86,87,88, 90 y 92) y muitos campionatos de Catalunya en diversas prebas dende 3.000 metros obstaclos dica a maratón..
Como empresario fue pioner y un d'os grans impulsors d'a practica y a organización de Maratones en Catalunya, partecipando en a organización d'a primera maratón que se fació en Catalunya en l'anyo 1978 en Palafrugell, en l'anyo 1980 partecipa en a organización d'a primera edición d'a Maratón de Barcelona y tamién en muitas edicions posteriors. 1984 ye l'anyo en que fundó a suya tienda de material esportivo ta la practica de l'atletismo y en 1990 crea o club d'atletismo Domingo Catalan Fondistes Club.
En l'actualidat, con a tienda cerrata, vive en o suyo pueblo natal con a suya muller anque viacha de contino a Barcelona y ye retirau parcialment d'as cursas por as suyas lesions en os chenullos.
Trachectoria esportiva
[editar | modificar o codigo]Prencipió a practica de l'atletismo en Barcelona en 1964, cuan teneba 16 anyatas en a sección d'atletismo d'o FC Barcelona y o suyo entrenador yera Gregorio Rojo, iste anyo partecipó en a Cursa Jean Bouin de Barcelona, aconsiguiendo un tercer puesto en a claseficación d'a categoría de prencipiants. Pero no estió dica l'anyo 1970 cuan aconsiguió o suyo primer títol important cuan aconsiguió ganar en a final d'o Campionato de Catalunya d'atletismo en a preba de 3.000 metros obstaclos.
Contra mas edat Domingo partecipaba en cursas de mas longaria, en 1977 partecipó en a suya primera maratón, a Maratón de Nueva York, a on aconsiguió un segundo puesto en a claseficación por equipos con atros atletas catalanes. En 1985 ya partecipa en cursas de 100 km, ganando o campionato estatal en rota cuatre vegatas consecutivas y dos mas posteriorment en 1990 y 1992, entre istos anyos gana dos títols mundials de 100 km en rota y un subcampionato en 1992. En Niza 1987 aconsiguió una marca increible de 6:15:16 baixando o record mundial d'a preba mas de 15 menutos, pero a marca no estió homologata por que o circuito teneba una pequenya enclenación de baixata.
Bibliografía
[editar | modificar o codigo]- (ca) Gaya, Ignasi. Domingo Catalán De 0 a 100, Cossetània Edicions, Barcelona, 2014, ISBN 978-84-9034-226-8.
