Gregorio Rojo

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Gregorio Rojo
Información personal
Naixencia 3 de mayo de 1920
Villalómez (Valle de Oca, Burgos, Espanya)
Muerte 8 de mayo de 2006
Barcelona (Catalunya)
Esporte Atletismo
Profesional en Atleta y entrenador.
Premios
Millor entrenador d'Espanya en 1995 y 1998.
Títols
Campión d'Espanya de 1.500 m en 1942.
Campión d'Espanya de 5.000 en 1943, 1945 y 1948.
Campión d'Espanya de 10.000 en 1942.
Récords d'Espanya de 2.000 m, 5.000 m y 10.000 en a decada de 1940.

Gregorio Rojo Sagredo conoixito esportivament como Gregorio Rojo, y a sobén como Rojo u Gregorio, (Villalómez, 3 de mayo de 1920 - Barcelona, 8 de mayo de 2006), estió un d'os primers grans atletas espanyols, y fue reconoixito como un d'os millors atletas d'a suya epoca. Dimpués estió un d'os millors entrenadors espanyols mientres muitas decadas.

Vida esportiva[editar | modificar o codigo]

Principió as cursas en o servicio militar a on le metioron a embotada de "El Cañas" y fue subcampión d'Espanya militar de campo a traviesa en l'anyo 1940.[1] Dimpués prencipió a partecipar en cursas con o RCD Espanyol de Barcelona, a on yera entrenato por Manuel Cutié y estió dica l'anyo 1945 cuan prencipió a partecipar con o FC Barcelona. O suyo rival esportivo estió Constantino Miranda d'o RCD Espanyol y ixo estió una contrebución ta la popularización d'o atletismo, os d'os millors atletas d'Espanya, un d'o RCD Espanyol y l'atro d'o FC Barcelona.

Fue campión d'Espanya 5 vegatas, una d'os 1.500 m lisos (1942), tres d'os 5.000 (1943, 1945 y 1948) y una d'o 10.000 en (1942). Tamién aconsiguió os récords d'Espanya de 2.000 m lisos con 5´40"8 en 1945 y 5´37"6 en 1949, de 5.000 con 14´53"6 en 1942 y de 10.000 con 31´36"8 en 1943 y 31´32"6 en 1947.

En o anyo 1948 partecipó en os Chuegos Olímpicos de Londres 1948 en as prebas de 5.000 y 10.000 m lisos.

Palmarés como entrenador[editar | modificar o codigo]

Dimpués d'a suya retirata d'a competición d'elite, fue entrenador nacional d'atletismo. Beluns d'os suyos atletas estioron Francisco Aritmendi, José Manuel Abascal, Juan Torres, Teófilo Benito, Jaime López Egea, Angel Fariña, Reyes Estévez y Mariano Haro a mas que mas o prencipio d'a vida esportiva de Martín Fiz.

  • Responsable Nacional de l'equipo de campo a traviesa dende 1959 dica 1974.
  • Director Tecnico d'a sección d'o atletisme d'o FC Barcelona.
  • Entrenador d'o Centro d'Alto Rendimiento de Sant Cugat.
  • Millor entrenador espanyol per a RFEA os anyos 1995 y 1998.

A suya zaguera temporata como entrenador estió en l'anyo 2001 con 81 anyadas d'edat.

Referencias[editar | modificar o codigo]

Enllaços externos[editar | modificar o codigo]