Distant Drums
- Iste articlo ye sobre una cinta estausunidense de l'anyo 1951; ta atros usos, se veiga Distant Drums (desambigación).
| Distant Drums | |
|---|---|
| Títol | Distant Drums |
 Poster de Distant Drums. | |
| Ficha tecnica | |
| Dirección | Raoul Walsh |
| Dirección artistica | Douglas Bacon |
| Producción | Milton Sperling |
| Guión adaptau | Niven Busch Martin Rackin |
| Basau en | una historia de Niven Busch |
| Musica | Max Steiner |
| Soniu | Oliver S. Garretson |
| Fotografía | Sidney Hickox |
| Montache | Folmar Blangsted |
| Escenografía | William Wallace |
| Vestuario | Marjorie Best |
| Actors | Gary Cooper Richard Webb Mari Aldon Arthur Hunnicutt Carl Harbaugh Robert Barrat Ray Teal |
| Datos y cifras | |
| País(es) | Estaus Unius |
| Anyo | 1951 |
| Estreno | 22 d'aviento de 1951  Los Angeles (California, Estaus Unius) y Saint Augustine (Florida, Estaus Unius)[1] |
| 25 d'aviento de 1951 Estaus Unius[1] | |
| Chenero(s) | Western |
| Durada | 101 min. |
| Idioma(s) | Anglés |
| Companyías | |
| Productora(s) | United States Pictures |
| Distribución | Warner Bros. |
| Recauto | 2,810.000 dólars |
| Informacions en bases de datos especializadas: | |
          | |
Distant Drums (títol orichinal en anglés, en aragonés Tambors lordos; estrenau en Aragón con o títol en castellano de Tambores lejanos) ye una cinta de western de cine estausunidense dirichida en 1951 por Raoul Walsh y producida por Milton Sperling ta la productora cinematografica United States Pictures, seguntes un guión adaptau por Niven Busch y Martin Rackin basau en una historia d'o mesmo Niven Busch. Con una dirección de fotografía de Sidney Hickox y una Banda Sonora Orichinal de Max Steiner, en l'elenco d'a cinta amanixen destacaus actors como Gary Cooper, Richard Webb, Mari Aldon, Arthur Hunnicutt, Carl Harbaugh, Robert Barrat y Ray Teal.
En ista cinta lo director fa bella cosa pareixida a un remake argumental d'una atra d'as suyas cintas anteriors, Objective, Burma! (1945), en amostrar como parte prencipal de l'argumento una marcha a traviés d'una selva tropical d'un grupo de soldaus arredolaus d'enemigos.[2]
Distant Drums s'ambienta en o estau de Florida en 1840 mientres a Segunda guerra seminola. O rodache d'a cinta se fació en as selvas tropicals de Florida, en tenendo que contractar a nativos ta mantener luent d'os actors a aligátors, serpentes, reptils y atros animals periglosos, pero s'aconsiguió una bella escena con una filmación subacuatica d'a baralla entre lo capitán Richard Tufts y lo chefe Ocala.[2]
Argumento
[editar | modificar o codigo]Mientres a Segunda guerra seminola en 1840 lo cheneral Zachary Taylor ninvía a lo tenient d'a United States Navy Richard Tufts y a lo suyo aduyant Monk en una remota isla en Florida ta encontrar-se con o capitán Quincy Wyatt, qui bi vive con o suyo fillo de cinco anyadas. Dende ixe puesto han de marchar contra una antiga fortificación espanyola, o castiello de San Marcos, y destruyir-la, en estar la base que fan servir os seminolas ta recibir as armas que lis portan os traficants espanyols; antiparte, en a base se i troban engarcholaus cuantos presoneros estausunidenses que han de liberar. Quincy Wyatt y los suyos soldaus cumplen a misión, en destruyendo lo castiello y liberando-ne-ie a los presoners. Una d'ixos presoners, Judy Beckett, desembolica una atraccción amorosa por Wyatt mientres que fuyen d'una colla de seminolas que los persiguen a traviés d'os Everglades. Lo viache se fa bien difícil por as condicions d'o terreno y tamién en estar perseguius por os indios, y bellos d'os soldaus mueren mientres a fuyida. A la fin Wyatt puet plegar en a suya casa, nomás ta descubrir que ye cremada y que lo suyo fillo ha despareixiu.
Curiosidaz
[editar | modificar o codigo]En ista cinta se fa servir por primera vegada un chilo conoixiu en o mundo d'o cine como chilo de Wilhelm en estar devorau un d'os soldaus por un aligátor americano. Se tracta d'un efecto de soniu que dende alavez s'ha feito servir en a-saber-las de cintas.
Elenco[3]
[editar | modificar o codigo]| Actor | Papel | Notas |
|---|---|---|
| Gary Cooper | Capitán Quincy Wyatt | |
| Mari Aldon | Judy Beckett | |
| Richard Webb | Tenient Richard Tufts | |
| Ray Teal | Soldau Mohair | |
| Arthur Hunnicutt | Monk | |
| Robert Barrat | Cheneral Zachary Taylor | |
| Dany Aldon | Papel menor | No acreditau |
| Carl Andre | Soldau | No acreditau |
| Mel Archer | Soldau Jeremiah Hiff | No acreditau |
| Gregg Barton | Soldau James W. Tasher | No acreditau |
| Jere Beery Sr. | Indio muerto | No acreditau |
| George Bell | Soldau | No acreditau |
| Jimmie Booth | Soldau | No acreditau |
| Rudy Bowman | Soldau | No acreditau |
| Beverly Brandon | Mme. Duprez | No acreditada |
| Bob Burns | Mesache indio | No acreditau |
| Sidney Capo | Mesache indio | No acreditau |
| Larry Carper | Chefe Ocala | No acreditau |
| Clancy Cooper | Sarchento Shane | No acreditau |
| Bob Folkerson | Soldau | No acreditau |
| Carl Harbaugh | M. Duprez | No acreditau |
| Adeline Hiatt | Muller india | No acreditada |
| George Huggins | Soldau | No acreditau |
| Roy Jenson | Soldau | No acreditau |
| Johnny Kern | Soldau | No acreditau |
| Kenneth MacDonald | Oficial d'Estau Mayor d'o cheneral | No acreditau |
| Casey MacGregor | Soldau Sullivan | No acreditau |
| Cactus Mack | Soldau | No acreditau |
| Angelita McCall | Amelia | No acreditada |
| Lee Roberts | Soldau Tibbett | No acreditau |
| Dave Rochlen | Soldau | No acreditau |
| George Scanlan | Bosun | No acreditau |
| inger Stanley | Muller | No acreditada |
| George Walsh | Papel menor | No acreditau |
| Dan White | Cabo Peachtree | No acreditau |
| Jack Williams | Soldau | No acreditau |
| Sheb Wooley | Soldau Jessup | No acreditau |
Se veiga tamién
[editar | modificar o codigo]Referencias
[editar | modificar o codigo]- 1 2 (en) Estreno de Distant Drums en Internet Movie Database.
- 1 2 (es) Quim Casas: Películas clave del western, Ediciones Robinbook, S.L., Barcelona, 2007, ISBN 978-84-96222-88-5, p.92-93.
- ↑ (en) Distant Drums en Internet Movie Database.
Vinclos externos
[editar | modificar o codigo]
Se veigan as imáchens de Commons sobre Distant Drums.- (en) Distant Drums en Internet Movie Database.
- (en) / (es) Distant Drums en FilmAffinity.
- (en) Distant Drums en Rotten Tomatoes.
- (en) Distant Drums en AllMovie.
Datos: Q1216721- Multimedia: Distant Drums / Q1216721
- Cintas por títol
- Cintas de 1951
- Cintas ambientadas en Florida
- Cintas ambientadas en 1840
- Cintas con banda sonora orichinal de Max Steiner
- Cintas con dirección de fotografía de Sidney Hickox
- Cintas con guión de Martin Rackin
- Cintas con guión de Niven Busch
- Cintas con montache de Folmar Blangsted
- Cintas dirichidas por Raoul Walsh
- Cintas de western
- Cintas d'Estaus Unius
- Cintas en anglés
- Cintas interpretadas por Gary Cooper
- Cintas interpretadas por Richard Webb
- Cintas interpretadas por Mari Aldon
- Cintas interpretadas por Arthur Hunnicutt
- Cintas interpretadas por Carl Harbaugh
- Cintas interpretadas por Robert Barrat
- Cintas interpretadas por Ray Teal
- Cintas producidas por Milton Sperling
- Cintas rodadas en Florida
- Cintas sobre as Guerras seminolas