Dialecto madeirense

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Madeirense
Variedaz d'o portugués
Mapa de Madeira
Localización cheografica
Estau	{{{estau}}}
País	{{{país}}}
Rechión	{{{rechión}}}
Parlau en	Madeira, Porto Santo
Lugars principals
Estatus
Atras denominacions	{{{atras denominacions}}}
Charradors	250.000
Oficial en
Reconoixiu en	{{{reconoixiu}}}
Regulau por
Vitalidat	Alta
Literatura
Escritors principals
Rasgos dialectals	Portugués insular
{{{familia1}}}
Codigos
ISO 639-1	pt
ISO 639-2	por
ISO 639-3	por
SIL	por

Dialetos de Portugal.

O dialecto madeirense ye un dialecto d'o portugués europeu parlato en o archipelago de Madeira.

Iste dialecto ye por un regular clasificato como un dialecto d'o "portugués insular" tenendo rasgos comuns con os dialectos d'as Azores, d'o nord-este de Brasil y d'o sud de Portugal.

O dialecto madeirense ye parlato por os alto u baixo 250 mil habitants de Madeira y por bellas centenas de mils d'emigrants madeirenses en o mundo.

Caracteristicas

En haber estau l'archipelago poblato dende primerías d'o sieglo XV, o dialecto madeirense tien os suyos orichens en os dialectos d'o portugués arcaico trayitos por os primers colonizadors, provenients mas que mas d'as rechions d'o Minho y de l'Algarve, a os que posteriorment se chuntarán comerciants de cuantos orichens y esclaus provenients d'as Canarias y Marruecos, entre atros.

Ista mezcla d'influencias, chunto a o relativo isolamiento de l'archipelago y o suyo papel en a historia como puerto de paso en o comercio y a exploración colonial, han feito d'o madeirense un dialecto de caracteristicas propias y peculiars tanto a nivel fonetico como gramatical y de vocabulario.

Foneticas

O dialecto madeirense presenta una considerable variación fonetica, no nomás entre as islas de Madeira y Porto Santo, sino mesmo aintro d'a mesma isla de Madeira. Isto podría deber-se a la accidentata orografía d'o territorio, que chunto a la sinuosas vías de comunicación han creyato mientres sieglos o isolamento relativo entre as diferents localidaz.

Caracteristicas comuns a toz os subdialectos:

• Palatalización d'a consonant 'l' cuan leva debant a vocal 'i'. Eixemplos: «família» (se pronuncia famílhia), vila (se pronuncia vilha), aquilo (se pronuncia aquilho), Filipe (se pronuncia Filhipe).
• Diftongación d'a 'i' u 'u', como repetición d'a mesma, cuan ista se troba en a posición de silaba tonica. Eixemplos: «rua» (dito ru-ua), «via» (dito vi-ia), «fazia» (dito fazi-ia), «ilha» (dito i-ilha).
• A conservación d'a vocal final 'e' en os verbos, como por eixemplo «fazer» (dito fazêre), «comer» (dito comêre), «falar» (dito falare).

Caracteristicas no presents en toz os subdialectos:

• Diftongación d'a vocal tonica, metendo una 'u' debant d'a mesma vocal, como por eixemplo «olho» (dito uôlhe), «formiga» (dito formúiga), «livro» (dito lúivru),
• Substitución d'a rematanza 'o' en a final d'as parolas por 'e'. Eixemplos: «osso» (dito osse), «macaco» (dito macaque), «carro» (dito carre), «Ronaldo» (dito Ronalde).
• Substitución d'as terminacions "agem" por "age". Eixemplos: «paragem» (dito paraje), «viagem» (dito viaje).
• A tercera persona d'o plural d'o preterito perfecto d'indicativo 'am' se reduce a 'u'. Eixemplos: «ficaram» (dito ficáru), foram (dito fôru).
• Substitución de "os" y "as" por "ui" y "ai", respectivament.

Gramaticals

Igual que en o sud d'o Portugal Continental, as Azores y Brasil, o dialecto madeirense presenta una preferencia en l'uso d'o cherundio y d'o pronombre a gente en cuentas de nós. O pronombre vós (2ª persona d'o plural), que se fa servir en a mayor parti d'o país, no ye emplegato y en cuentas s'emplega vocês.

En a mayoría d'os concellos de l'archipelago de Madeira se gosan meter os pronombres personals (me, te, se, nos, vos, se) debant d'o verbo (proceso que se conoixe como proclisi) en cualsiquier situación d'a parla. Amás tamién s'emplegan mas a soben, por eixemplo, os modos "Eu disse a ela" y "Eu assustei ele" que "Eu disse-lhe" y "Eu assustei-o", respectivament.

Rechistros sonoros

• Ouvir rechistro sonoro replegato en Câmara de Lobos.
• Ouvir rechistro sonoro replegato en Porto Santo.
• Ouvir rechistro sonoro replegato en Porto da Cruz.
• Ouvir rechistro sonoro replegato en Caniçal.

Rechionalismos

Os rechionalismos madeirenses se troban presents en diferents aspectos d'a luenga como parolas, esprisions, intercheccions, y atros.

Parolas

Abelhinha - Táxi Abicar-se – cayer-se Adepois - fa poquet Apelido - apelliu u embotada Atazanar – incomodar com insistencia, perseguir Azougue - imán Baia – fayena, quefer Balalau - fato, mego Bilhardeira - (de bilhardar, en aragonés alparciar) alparcera Bisalho – pollo Burage - (de beberagem, en aragonés bebida) comida ta os tocins Buzico – cosa chicorrona, nino Camioneta - autobus Cangalhas - hombre enganyato por a mulher Cangueira – garrampa Chicharro - caballa Embeiçado - sin diners Empanturrado - pleno, farto Esteio – interrupción pasachera d'a plevia Estepilha - pudor Esvarar - esvarar-se Fazenda - campo agricola Forrado - meter-se nuble, emboirar-se, anublar-se Fossar - mover Furado - túnel Gâmesse (tamién escrito gumse / gamse) - goma Gavela - cantidat indeterminata Geleia - chelatina Goiava – goiaba (fruito) Gosma - persona que ye sempre pedindo favors Horário - autobus Jaca – chicot cangrillo Joeira – milorcha Lambar – engolir, minchar con muita gana, minchar a escape Lambeca - chelato feito a maquina

Lanço - cabal secundario d'as levadas Lapeiro – qui replega as lapas Lapinha – Portal de Betlem Larilha - homosexual Levada – acueducto que conduce l'augua ta regar Levadeiro – ceica ta as auguas de riego Madorna - sonolência. Marmulhão - un trucazo en o tozuelo Melancão - individuo sin actividat Nojência – bella cosa que fa fastio Novelos – hortensias Olho-de-boi - flash Palheiro – gallinas de raza chicota Palhetes – mistos Pancume - paliza Pimpinela - chayote Poio – chicoz campos de cautivo Prisão - mullar o pelo u a ropa Cuarto de banho - escusau Rabalhusco – resingão Rebendita - fer bella cosa con maldat, aldredes Reclame - publicidade Relampada – lapo Rezonda – carranyar Roeza – sensación de fambre Semilha - trunfa Tabaibo - fruito d'una especie de cacto, a tabaibeira Tapa-sol – persiana Tarraço – alcolico Terreiro - quintal Tratuário - paseyo Trompicar – cayer, trepuzar Vaginha - baineta Vesgolho – birolo

Esprisions

• Aind'agora - Fa poquet tiempo
• Bicho do buraco - Timido.
• Fazer focinho - Cuan s'esprisa facialment como decindo que no le fa goyo.
• Jogar a apilhagem - Chugar a pillar.
• Mais velho que o norte - Muit viello (literalment Mas viello que o norte).
• Não é filha de minha mãe - No soi yo (literalment No ye filla de mi mai).
• O dinheiro é meu moço - Con diners merco o que quiero.
• O relógio da Sé é que repete - No voi a repetir (literalment O reloch d'a Seu ye qui repite).
• Paciência de corno - Tien muita paciencia.
• Pata rapada - Descalzo.
• Saltar a laje – Adulterio.
• Se cair não passa do chão - Si se caye no muere.
• Ter o diabo no coiro - Fer chandríos (literalment Tener o diaple en o coro).
• Ver um mosquito nas Desertas - Buena visión.

Intercheccions

• Ah, cão! - esprisión de enoyo
• Ah, diacho! - significa Oh, Dios mio!
• Ah, estepilha! - significa Holio!
• Que consciência! - significa Qué pena!

Chentilicios populars

• Bragado - habitant de Santana
• Broquilha - habitant de Porto da Cruz
• Burreiro - habitant de Caniçal
• Cabreiro / Curaleiro - habitant d'a freguesía de Curral das Freiras
• Charnota - habitant de Machico
• Chavelha - habitant de Câmara de Lobos
• Cubano - habitant de Portugal Continental
• Faquista - habitant d'a freguesía d'o Estreito de Câmara de Lobos
• Lancha - habitant de Funchal
• Pesquito - habitant d'a freguesía de Câmara de Lobos
• Profeta - habitant de Porto Santo
• Vilão / viloa – habitant de l'aria rural d'a isla de Madeira

Vinclos externos

• (pt) Chicota lista de rechionalismos de Madeira
• (pt) Diccionario de rechionalismos madeirenses
• (pt) Colóquios da lusofonia
• (pt) Variants dialectals en territorio portugués

• Datos: Q10266005