Milorcha

De Biquipedia
Ir ta: navego, busca
Milorchas a l'aire

A milorcha ye un artefacto volador, emplegato per un regular como chuguet infantil, que consiste en un tarabidato sobre o qual s'estendilla un material lichero como papel, tela u plastico. O tarabidato s'achunta a un u más d'un filos largos que o guiador afloixa abonico ta fer-la volar. En l'inte que l'aire eixerce presión sobre a suya superficie, la va puyando y movendo y ye faina d'o piloto guiar-la y privar de que caiga. Como elemento decorativo, ye costumbre d'anyadir-li betas u trozos de papel que fan de coda d'a milorcha y s'esbolligan con a fuerza de l'aire. Per a suya propia naturaleza, ye normal d'esplegar as milorchas en puestos ubiertos, an bufe un airaz, como los escampaders u as plachas.

Historia[editar | editar código]

As milorchas naixioron en l'antiga China. Se sape que ta las envueltas de l'anyo 1200 aC. se feban servir como dispositivo de sinyalizazión melitar. Os movimientos y as colors d'as milorchas costituyiban mensaches que se comunicaban en a distancia entre estacamentos melitars. En o sieglo XII, en Europa, os chiquetz ya chugaban con milorchas a las que anyadiban betas ta fer-las sonar. Ye tamién d'estacar a onra feita per as milorchas como equipos de medición atmosferica. O inventor Benjamin Franklin emplegó una milorcha ta investigar os rayos y inventar o pararrayos.

Huei día, a milorcha mantién a suya popularidat entre os ninos de totas as culturas, sobre tot en os países d'Asia, y esisten numerosos concursos y festivals per tot lo mundo.

Se veiga tamién[editar | editar código]

Miscelania[editar | editar código]

Milorcha ye tamién o nombre d'una interpresa aragonesa especializata en esportes d'aventura a l'aire libre, con seu en Benás, Balbastro, Rodellar y Alquezra.

Vinclos externos[editar | editar código]