Derbent

Derbent Дербент
Localidat de Rusia
Fortaleza de Derbent
Estau  • Oblast	Rusia Daguestán
Superficie	70 km²
Población  • Total  • Densidat	123008 hab. (2017) 1.556 hab/km²
Altaria  • Meyana	0 m.
Codigo postal	368600
Coordenadas	42° 4’ 9’’N48°17’44’’E
Derbent Derbent en Rusia Europea
Web oficial

Derbent (Дербент en ruso y alfabeto cirilico) ye una ciudat rusa situata en l'Oblast de Daguestán, a man d'a muga con Azerbaichán.

A suya población ye de 108.975 habitants (2008) en una superficie de 70 km², con una densidat de población de 1.556 hab/km².

A mayor part d'a suya población ye lezquiana, seguita por os azerins y os tabarsarans.

Toponimia

O toponimo Derbent ye d'orichen iranio, en persa ye Darband ("puertas zarratas") y se documenta dende fins d'o sieglo V u principios d'o sieglo VI, quan a ciudat fue refundata por o rei Kavad I, de l'Imperio Persa Sasanida. O toponimo presenta infinidat de formas en as diferents luengas iranias, caucasicas y turquicas de Daguestán y o Caucas oriental.

En aragonés medieval ye mencionato en textos tradueitos dende o francés como en "La Flor de las Ystorias d'Orient" y en o "Libro d'as Marabillas d'o Mundo":

serien desbaratados aquellos que se hide meterian a passar por el otro camino deues el Derbent, la gent de tocay podria auer entrada por Regno de carbanda seys meses del Anyo solament esto ua en tienpo del inuierno mas abaga fizo fer liças et valles que tenien bien vna[s] iornadas en lugar q(ue) ha nombre caba

Et vers el cabo de sobreste Regno es el mont cochins q(u)i es vno delos mas altos mo(n)tes del mu(n)do & es entre la mar maure & la mar de Caspia / alla ay vn muy estrecho passage / por yr vers jndia / Et por esto fezo el Rey alexandre alli fazer vna cibdat q(ue)l clamaua alexa(n)dre por goardar la t(ier)ra affin q(ue) hombre no(n) passasse sin congia et agora hombre clama aq(ue)lla cibdat porta [^de] fer / Et la p(r)incipal cibdat de comanja ha nombre barath / Et es vno delos .iij. cami(n)os p(ar)a yr a jndia / Mas por este passage no podrian passar grant fazon de gentes si no h(e)ra en yujerno / Et este passage [claman] el derbent & lotro camjno le derbent / Et lotro camjno es de yr del Regno de turquestem por p(er)sia