Decio
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Decio | |
|---|---|
| Emperador de l'Imperio Romano | |
.jpg) Busto de Decio | |
| 249 - 251 | |
| Predecesor | Felipo l'Arabe |
| Succesor | Hostilián, Trebonián Galo |
| Reinau | 249 - 251 |
| Naixencia | arredol de l'anyo 201 Budalia (en l'actual Serbia) |
| Muerte | 251 Abrittus (en l'actual Bulgaria) |
| Descendencia | Hostilián |
Trachán Decio (en latín GAIUS MESSIUS QUINTUS DECIUS AUGUSTUS) estió emperador de l'Imperio Romano dende l'anyo 249 dica l'anyo 251. Ye naixito arredol de l'anyo 201 de Budalia (actual Martinci amán de Sremska Mitravica en Voivodina) y morió en chunio de l'anyo 251 en a Batalla d'Abrittus contra os godos amán de l'actual Razgrad (Bulgaria).
Fue nombrau emperador por os soldaus dimpués d'esclafar a revuelta de Pacatián en Panonia y Moesia quan encara yera emperador Filipo d'Arabe. Marchó con as suyas tropas ta Italia y venció a Filipo en una batalla amán de Verona a on morió. Dimpués d'a muerte de Filipo, Decio fue reconoixiu emperador por o Senau.
Estió un emperador que confiaba muito en a valgua d'a relichión romana y imposó que totz os ciudadans romanos fesen sacrificios a los dioses romanos independientment d'a suya relichión. Os cristianos se negaban a fer-lo y fuoron perseguius.
Mientres o mandato de Decio un grupo de godos mandaus por o rei Cniva trescruzoron o Danubio entrando en Moesia y Tracia pa saqueyar-las. Decio marchó a escape contra os godos con l'exercito y los atacó mientres asitiaban Nicopoli. Os godos reaccionoron adrezando-se enta o sud, con territorios montanyosos (os Monts Balcans), y atacoron con exito Filipopoli (Plovdin). Decio querió ensopinar a los godos quan yeran de camín ta casa con o suyo botín pero lo derrotoron en a Batalla d'Abrittus, a on morió.
| Predecesor: Felipo l'Arabe |
Emperador de Roma 249-251 |
Succesor: Hostilián y Trebonián Galo |