Daylight (cinta de 1996)

Iste articlo ye sobre una cinta estausunidense de cine de desastres de l'anyo 1996; ta atros usos, se veiga Daylight y Daylight (cinta).

Daylight
Títol	Daylight
Póster d'a cinta.
Ficha tecnica
Dirección	Rob Cohen
Aduyant de dirección	Yozo Tokuda
Dirección artistica	Maria-Teresa Barbasso Pier Luigi Basile Marco Trentini Mark Zuelzke
Producción	John Davis David T. Friendly Joseph M. Singer
Disenyo de producción	Benjamín Fernández
Guión orichinal	Leslie Bohem
Musica	Randy Edelman
Fotografía	David Eggby
Montache	Peter Amundson
Escenografía	Alberto Tosto
Vestuario	Thomas Casterline Isis Mussenden
Maquillache	Eloisa De Laurentiis Giannetto De Rossi Lorella De Rossi Mauro Meniconi
Peluquería	Mirella De Rossi Scott H. Eddo Angelo Vannella
Casting	Margery Simkin
Actors	Sylvester Stallone Amy Brenneman Viggo Mortensen Dan Hedaya Jay O. Sanders Karen Young Claire Bloom Vanessa Bell Calloway Renoly Santiago Colin Fox Danielle Harris Trina McGee Marcello Thedford Sage Stallone Jo Anderson Mark Rolston Rosemary Forsyth Luoyong Wang Lee Oakes Barry Newman Stan Shaw
Color	Color by DeLuxe VistaVision
Datos y cifras
País(es)	Estaus Unius
Anyo	1996
Debantadera	5 d'aviento de 1996 Los Angeles (California, Estaus Unius)
Chenero(s)	Cine de desastres
Durada	114 min.
Idioma(s)	Anglés
Companyías
Productora(s)	Davis Entertainment
Distribución	Universal Pictures
Estudio(s)	Cinecittà
Presupuesto	80 millons de dólars
Recauto	159,2 millons de dólars
Informacions en bases de datos especializadas:

Daylight (títol orichinal en anglés, en aragonés A luz d'o día, enguerada en aragón con o títol en castellano de Pánico en el túnel, en aragonés Panico en o túnel) ye una cinta de cine estausunidense de cine de desastres enguerada l'anyo 1996, dirichida por Rob Cohen seguntes un guión orichinal de Leslie Bohem, con una banda sonora orichinal de Randy Edelman, una dirección de fotografía de David Eggby y una producción cinematografica de John Davis, David T. Friendly y Joseph M. Singer ta la productora cinematografica Davis Entertainment. Fan parte de l'elenco d'actors d'a cinta, entre d'atros, Sylvester Stallone, Amy Brenneman, Viggo Mortensen, Dan Hedaya, Jay O. Sanders, Karen Young, Claire Bloom, Vanessa Bell Calloway, Renoly Santiago, Colin Fox, Danielle Harris, Trina McGee, Marcello Thedford, Sage Stallone, Jo Anderson, Mark Rolston, Rosemary Forsyth, Luoyong Wang, Lee Oakes, Barry Newman y Stan Shaw.

Una interpresa d'o norte d'o estau de Nueva York adedicada a la chestión de residuos periglosos contracta a un transportista ta que transporte ilegalment uns residuos enta Nueva Jersey, y lo transporte se fa en trescruzando lo río Hudson por un túnel subterranio con a-saber-lo de trafico. Ixe túnel ye tamién emplegau por un conchunto de personas que poquet a poquet se mos amuestran: Maddy Thompson, un escritor en epocas baixas, un autobús con una colla de delincuents chuvenils, una familia que marcha de vacanzas y a on lo mariu enganyaba a la muller, una parella d'ancianos con o suyo can u l'atleta Roy Nord.D'atra man, una parella fa un atraco a un vendedor de choyas y, en fuyir perseguius por a Policía, dentran en o túnel a las siet suelas, chocando con un d'os camions que transportan ilegalment os residuos y provocando una gran explosión con un gran fuego, que ben luego s'expande a los atros camions, multiplicando la potencia explosiva. Como consecuencia d'a explosión, s'esboldregan as dos entradas d'o túnel y la onada de fuego incinera a la mayor parte d'os viacheros que se i troban, sobrevivindo nomás que un chicot grupo formau por os citaus anteriorment. A éls s'adhibe Kit Latura, l'antigo chefe d'os servicios d'emerchencia d'a ciudat de Nueva York a qui heban dau palleta y que agora treballa como taxista, y que se troba en a mesma dentrada d'o túnel en producir-se la explosión. Kit explica que nomás se puet dentrar en o túnel que a traviés d'un conductod e ventilación, con gran periglo, y finalment i dentra, robando que lo conchunto de supervivients s'ha reuniu arredol de Nord, qui creye que puede sacar-los por una atra vía bien periglosa, encara que muere en intentar-lo. A cinta se centra en explicar cómo kit conduz a lo grupo entra la salida luitando contra lo tiempo, porque la explosión ha provocau frecatenas en o túnel a traviés d'as cuals se filtra l'augua d'o río Hudson.

A cinta s'ambienta en a suya epoca actual (1996) en a ciudat de Nueva York y en o estau de Nueva Jersey, y las suyas escenas se filmoron en os estudios de Cinecittà en Roma en Italia y en Monterey en California, Ossining y Croton-on-Hudson en Nueva York, Milford en Connecticut y bel puesto en Nueva Jersey en os Estaus Unius.

Ye una cinta que ha recibiu bels premios y nominacions, en destacando una nominación a los Premios Oscar a lo Millor Soniu en a suya 69^ena edición.

Elenco

Actor	Papel	Notas
[[]]	'

Se veiga tamién

• Cine en 1996.
• Cintas de 1996.

Referencias

• Datos: Q225916