Cumicos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cumicos къумукълар | |||
|---|---|---|---|
 | |||
.jpg) Familia de cumicos | |||
|
| |||
| |||
| Cumico y ruso | |||
| Islam | |||
 Localización en o Caucaso | |||
Os cumicos son un grupo etnico que habita en as tierras baixas de Daguestán, en Chechenia-Inguixetia y en Osetia d'o Norte. En 1989 yeran uns 282.000 individuos. Charran una luenga turquica d'a branca quipchac. Son musulmans sunnitas seguidors d'a escuela xafí dende o sieglo XIV.
A suya economía tradicional se basa en a cría de bestiar, en l'apicultura, a producción de vin y l'artesanía domestica.
Luenga[editar | modificar o codigo]
A luenga d'os cumicos tien tres dialectos: buinak, qaitagh y khasaviurt, estando o zaguero a base d'a luenga escrita. Antigament s'escribiba en alfabeto arabico, pero en 1927 s'escribiba en alfabeto latino y dende 1938 fue substituyiu por o cirilico, por o periglo que veyeban as autoridaz sovieticas en que as luengas turquicas d'a ex URSS s'escribisen con o mesmo alfabeto que o idioma turco d'a Turquía kemalista.
Historia[editar | modificar o codigo]
A etnochenesi d'o pueblo cumic estió un proceso lento que encomenzó en o sieglo VII y remató en o sieglo XIII. Son o resultato d'a fusión d'os nativos caucasians de Daguestán con pueblos turquicos que plegoron en diferents ondatas, (as cronicas bizantinas parlan d'hunnos que aduyoron a cristianizar en l'actual Daguestán).
Dende o sieglo XVI os cumicos estioron o grupo etnico dominant en o norte de Daguestán y i formoron un estato feudal con un sobirán hereditatio o shamkhal con seu en l'aul de Tarku dende 1640. A suya tierra fue adhibita a l'Imperio Ruso dimpués que os rusos esclafasen a gran rebuelta daguestaní de 1834-1859.
Bibliografía[editar | modificar o codigo]
- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.